Популарни Библиски стихови од માર્ક 6

Сподели

ઇસુવેં સેંલંનેં કેંદું, “મારી હાતેં આવો થુડીક વાર ખેંતાક હુંનવેંણ જગ્યા મ જાજ્યે અનેં થુડીક આરમ કરજ્યે” કેંમકે ઘણં બદ્દ મનખં આવતં જાતં હેંતં, અનેં હેંનનેં ખાવા નો મુંખો હુંદો નેં મળતો હેંતો.

ઇસુવેં હેંનનેં કેંદું, “એક ભવિષ્યવક્તા નેં પુંતાના સેર, અનેં પુંતાના ઘેર-પરિવાર, અનેં પુંતાના હગા-વાલા મ, માન નહેં મળતું પુંણ બીજી દરેક જગ્યા મ માન મળે હે.”

ઝર ઇસુ નાવ મહો ઉતર્યો તે એક મુંટો મનખં નો ટુંળો ભાળ્યો, તર હેંનેં હેંનં મનખં ઇપેર દયા આવી. કેંમકે હેંનં કનેં કુઇ એંવો માણસ નેં હેંતો ઝી ઠીક થકી હેંનની અગવાઈ કરેં સકે, વેય ગુંવાળ વગર ન ઘેંઠં નેં જેંમ હેંતં, તર વેયો હેંનનેં પરમેશ્વર ના રાજ ના બારા મ ઘણી બદી વાતેં હિકાડવા મંડ્યો.

હેંનં મનખં ના અવિશ્વાસ ને લેંદે ઇસુવેં નાજરત સેર મ વદારે સમત્કાર નેં કર્યા, ખાલી થુંડકેંસ બિમાર મનખં ઇપેર હાથ મેંલેંનેં હેંનનેં હાજં કર્ય. અનેં ઇસુ મનખં ના અવિશ્વાસ ઇપેર વિસાર કરતો થાએંજ્યો, ફેંર વેયો સ્યારેં મેર ન ગામં મ ભાષણ કરતો રિયો.

ઇસુવેં પાંસ રુંટજ્યી અનેં બે માસલજ્યી લીદી, અનેં હરગ મએં ભાળેંનેં પરમેશ્વર નું ધનેવાદ કર્યુ, અનેં રુંટજ્યી તુંડેં-તુંડેંનેં સેંલંનેં આલતો જ્યો કે વેયા મનખં નેં આલે, અનેં વેયે બે માસલજ્યી હુદી હેંનં બદ્દનેં વાટેં દીદી. બદ્દ મનખં ખાએંનેં ધાપેંજ્ય, ઝર બદ્દ મનખંવેં ખાવાનું ખાએં લેંદું તર સેંલંવેં રુટજ્યી અનેં માસલજ્ય ન વદેંલં બટકં નેં ભેંગં કર્ય. હેંનં થી બાર ટુંપલં ભરાએં જ્ય.