Популарни Библиски стихови од યોહાન 3

Сподели

કેંમકે પરમેશ્વરેં દુન્ય ન મનખં હાતેં એંવો પ્રેમ રાખ્યો, કે હેંને પુંતાના એક ના એક બેંટા નેં ભુંગ કર દેંદો, એંતરે કે ઝી કુઇ હેંનેં ઇપેર વિશ્વાસ કરે હેંનો નાશ નેં થાએ, પુંણ અમર જીવન મેંળવે.

કેંમકે પરમેશ્વરેં પુંતાના બેંટા નેં દુન્ય મ એંતરે હારુ નહેં મુંકલ્યો કે દુન્ય ન મનખં નેં સજ્યા આલે, પુંણ એંતરે હારુ કે હેંને લેંદે દુન્ય ન મનખં તારણ મેંળવે.

ઇસુવેં હેંનેં જવાબ આલ્યો, “હૂં તનેં હાસું-હાસું કું હે, અગર કુઇ બી મનખ નવું જલમ નેં લે, તે વેયુ પરમેશ્વર ના રાજ મ નહેં જાએં સક્તું.”

ઝી પરમેશ્વર ના બેંટા ઇપેર વિશ્વાસ કરે હે, હેંનેં સજ્યા નેં મળે, પુંણ ઝી હેંનેં ઇપેર વિશ્વાસ નહેં કરતું, હેંનેં સજ્યા મળે ગઈ હે. એંતરે હારુ કે હેંને પરમેશ્વર ના એક ના એક બેંટા ઇપેર વિશ્વાસ નહેં કર્યો.

અનેં સજ્યા નું કારણ આ હે કે ઇજવાળું દુન્ય મ આયુ હે, પુંણ મનખંવેં ઈન્દરા નેં ઇજવાળા કરતં વદાર વાલું જાણ્યુ, કેંમકે હેંનં ન કામં ભુંડં હેંતં.

ઇયુ જરુરી હે કે વેયો વદે અનેં હૂં કમ થું.

કેંમકે ઝી કુઇ મનખ ભુંડાઈ કરે હે, વેયુ ઇજવાળા ઇપેર વેર રાખે હે, અનેં ઇજવાળા નેં ટીકે એંતરે હારુ નહેં આવવા માંગતું, કે ખેંતક હેંનં ભુંડં કામં ભળાએં જાએ.

ઝી પરમેશ્વર ના બેંટા ઇપેર વિશ્વાસ કરે હે, વેયુ અમર જીવન મેંળવે હે, પુંણ ઝી પરમેશ્વર ના બેંટા ની આજ્ઞા નહેં માનતું, હેંનેં અમર જીવન નેં મળે, પુંણ પરમેશ્વર ની સજ્યા હેંનેં ઇપેર રે હે.

અનેં ઝીવી રિતી થી મૂસે ઉજોડ જગ્યા મ પિતોળ ના હાપ નેં અદર ટાંગ્યો, હીવી રિતી થી જરુરી હે કે મન માણસ ના બેંટા નેં હુંદો ક્રૂસ ઇપેર સડાવા મ આવે.

પરમેશ્વર બા બેંટા ઇપેર પ્રેમ કરે હે, અનેં હેંને બદ્દુંસ હેંના હાથ મ આલ દેંદું હે.