Популарни Библиски стихови од Maluko 9

Сподели

UYesu iihigaga iitigilaga, “ ‘Ngana usiilemwa!’ Dzonda dziilimika hela ngana uli nu lufuuwo.”

Neke baaho udaadiye va mwana uyo ayooyage atigilage, “Ndiifuuwa! Siiwo uunange, pakuva ulufuuwo lwangu lusiikwila!”

Pe aaviye íingiye mu nyumba, avanyigendwa vaakwe vakumuwuudzaga pe vali veene hela viitigilaga, “Kye kiki uneefwe túlemiilwe ukulosa ilibepo ilyo?” UYesu iihigaga iitigilaga, “Ilibepo lya mutangilo ugu liiloswa wugendela wa ndapangilo [nu kwiviikila ngʼaani] swe.”

Umuunyo munofu pa kukola mu kyakuliya, neke kangi lino umuunyo pe gúhuukile gwisopwa kiki, ukuta gunoge kangi? Na yuunye muvedzage ngita muunyo ugwikola, muvedzage nu lutengamaso yuunye mwa yuunye.”

“Umuunu ye akumwanukila umwana umudebe ngita uyu mu litaawa lyangu, uyo akuundzanukila uneene. Kangi ye akuundzanukila uneene, asikuundzanukila uneene, nda haamu, akumwanukila uyo ye áanumile.”

Ndakyene ndikuvalongela ndiitigila, ye akuvapeela ikinywelo ikili nu lulenga, pakuva muli vaanu va Mesiya, ndakyene uyo asilaambudza uluhombo lwakwe.

“Ngana umuunu akumuhulila yumwinga mu vadebe ava avakuufuuwa ayage, ngali kiba umuunu uyo akali apingwe ulwala lukomi mu singo atoodzwe mu nyandza, sindawuli uluhigo uluhadza lukumwadzila.

Ngana iliiho lyako likukuhulila ulime indzanangifu, apo ulikopole. Kiba wiingile ku wutwa wa Nguluvi uli ni liiho limwinga, sindawuli ukuvedza na miiho gonda gavili, neke waali ukatoodzwe ku mooto ugusiidzima mbeepali.