Популарни Библиски стихови од Luka 11

Сподели

Ndeeni, nde luvedze unyeenye muli vahosi, mwidzeela kye mukuvapeela avaana veenyo ifiinu ifinofu, lino uDadiinyo ye ali kukyanya iidzeela ukulutila mbandu kye akuvapeela uMubepo uMwimike avo avakumunyilika.”

“Lino uneene ndikuvalongela ndiitigila, mumunyilikage uNguluvi naanye muhadza mwipeelwa, mutemulage naanye muhadza mukufiwona, muhodedzage pa mulyango naanye muhadza mwidindulilwa.

Umuunu ye avedzaga ye iinyilika iikwanukila, ye iitemula akufiwona, ye iihodedza pa mulyango iidindulilwa.

UYesu akuvalongelaga iitigilaga, “Pe mwilapangila kwa Nguluvi, mutigilage endee, ‘Ve Dadiisu [va kukyanya], ilitaawa lyako liimikwage. Uwutwa waako waadzage. [Dze wiikeela dzilimikage pe naanyi apa, ngita kye dziilimika kukyanya uko.]

Utuwodzehedzage indzanangifu dzeesu, pakuva na yuufwe tukuvawodzehedza indzanangifu vonda avakutwangula. Utanage ukutuviika mu ngemyo. [Neke kangi utupokage kwa Muhosi yula.]’ ”

Utupeelage ikyakuliya kyesu ikigono ni kigono.

Amiiho gali ngita tala ya muvili. Ngana amiiho gaako manofu, apo umuvili gwako gonda gwivedza mu lumuli. Neke kangi, ngana amiiho gaako mabofu, umuvili gwako gwivedza ni kiisi.

“Sikwali umuunu ye iikunga itala nu kuviika apoono ápafihiime, enewuli ukugubikila ni ndiilo. Yiiviikwa pa kinenevekelo, ukuta avaanu pe viikwingila valuwonage ulumuli.