Популарни Библиски стихови од Matthew 27

Nai thum saat tu bang ciangin Jesus in aw nging tatak taw, “Eli, Eli, lema sabachthani?” ci in au hi. A khiakna sia “Ka Pathian, Ka Pathian awng! Banghang hong nusia ni ziam?” a cina hi.

Tuaciangin Biakinn sungah kidalna puan a kikhai sia a lu pan a taw dong khen nii in kizensuk hi. Zinliing a suangpite kikhentham in, thaante kihong in, Pathian ii mihing a thisate tam ma kitho kiksak hi.

Tuaciang Jesus a nging takin a au kik zawkciang a hui tat hi.

Ngalkap hon ukpa le Jesus a cing ngalkapte in zinliing le thupiang dang theampo a mu uh ciang, lau mama a, “Ama sia Pathian Tapa tatak hi!” ci uh hi.

Nisun ciangin ngam bup sia khuazing in siin cip a, nai thum sung khuazing hi.

“Tua ahile Messiah a kici Jesus sia bang law tu khi ziam?” ci in Pilate in dongh hi. “Thinglamtee tungah thatlum in,” ci tek uh hi. Ahizong Pilate in, “Ahihang ama in bang khialna vawt na ziam?” ci in dongh hi. Tuasia ciangin, amate in a aw neiza uh taw au in, “Thinglamtee tungah thatlum in,” ci uh hi.