Популарни Библиски стихови од От Иоанна 19

Сподели

Иисусым на̄сӣӷлюку вино, пикақ: «Та̄ўа апыӷӣҳтуқ». Гӯҳтуткылъюку таӷныӷагни пыхтыкакык.

Та̄м киңуңаның Иисусым лӣсимакыхка̄ сяңўа̄ тамаҳаӷми хўа̄ апыӷӣлӷӣ. Ынка̄м Акузитыт Игақыхкат апыӷӣӷысқылъюки хўатын пикақ: «Мықсюхтуңа».

Иисусым ысҳақакык на̄нилъю, пиниқыхканилъю малихся̄ҳтыни ныкывӷалӷӣк таўани. На̄ни пика̄: «Аӷнами хўани, та̄на иӷнылӣтан». Та̄хкын малихся̄ҳтыни пика̄: «Та̄на на̄лӣтан». Та̄хкын кынляңа малихся̄ҳтыңан агля̄тка̄ лъмыхнун.

Иисусым иӷукык айымсимаңилъкыхкыт қаюҳлъяк такуяқмыхтыху туқуңўа̄ӷлюни аюқыфтуқ. Иўырңа ата̄сим пилъюўаҳтым панаминың кынуқақа̄ Иисус сяниңакун. Таўаниңинақ а̄кўлю, мықлъю ма̄қыхкак.

Тама̄кут апыӷӣқа̄гут Акузитыт Игақыхкат апыӷӣӷысқылъюки: «Талўа ата̄сиқ ныҳқўа̄ӷа айымьяҳқа̄нӷитуқ». Хўатынлъю Акузитыт Игақыхкат пика̄гут: «Ысҳапахлъықа̄т панакаҳтың».

Та̄хкын пилъюўаҳтыт а̄нутка̄т Иисус уямихтыслъюку қақӯра̄. Агля̄тка̄т таўавык атилъқылӷӣмун: «Югым На̄сқўан Ныңа». (Та̄на Еврейистун, Голгофаңулӷӣ.)

Пилъюўаҳтыт қаҳпаңлъяқа̄т сикуҳлъюхтуқамың аваямың. А̄тыслъюку қаҳпа Иисусым на̄сқўакун, ысныгрукыхтагныңлъю аткуя̄қа̄т.