Популарни Библиски стихови од От Иакова 3

Сподели

Иўырңа пыҳқинылъық қиляхтақ кияң пылюңитуқ. Амалъықа ныкыхмытуқ, кавьюгитуқ, малиҳқутақиңа̄қ, наңлъыхтаҳтуқ, пинистаҳӣнатун пикаюгӯқ, танӣлъҳитуқ, юпӣнӷӯқ.

Кина акулыхпысинита пыҳқинылӷӣ, лӣгикималӷӣлъю? Таўатытылъыни кылгулъигу пинитун кияҳта̄лъыӷмикун, аныӷныҳқилъыӷмикунлъю қусывыгңаӷми.

Ныкыхмылъық пӣтутыстун аюқуқ. Тама̄кут ныкыхмылъыӷмун қыпҳақаюгыт пӣтысиӷаӷақӣт, ынка̄м сяӷна̄қут ылъқуӷңалӷӣмыңлъю, пинилӷӣмыңлъю кияҳта̄лъыӷмыхни.

Нани алңунак ақиналъылгунӷанилъю, лъңина̄юхлъылгунӷанилъю та̄ўа кипулъхина̄лъылўа̄қуқ, сяңўа̄тлъю алъя̄ҳӣна̄т сыӷлыӷыт таўантақут.

Улю усюқусиқақаҳпут Атанымнъун Атамун. Нақам сыӷлыӷмың ныӷьюхтаӷа̄сиқақаҳпут юлгутымнъун, Кияӷныӷым улима̄ӷитнун лъмисюгнилъюки. Усюқилъықлъю, сыӷлыӷмыңлъю ныӷьюхтаӷалъық а̄ныхкаюгӯк ата̄симың қаныӷмың. Ухпықа̄лгутымни, таўатысяҳқа̄нӷисяҳтуқ.

Улюлъю кынӷыстун аюқуқ. Ыслъықңа̄қ сыӷлыҳқылъыӷмың ынка̄м сыӷлыҳқумалъҳа миңиткаюгӯқ югусимун. Ынка̄м на̄фқӣкаюгӯқ кияҳта̄лъымнъың қаюҳлъяк геенам кынӷан кумаҳтақа̄.

иўырңа китум алңунак қимухна̄нӷита̄ улю. Ныклъыгигалңӯгуқ, сыӷлыӷӯқ, ыслъықңа̄қ туқуналӷӣмың ядымың.

Ухпықа̄лгутымни, алъюлъюси апыҳтуӷистыңуҳтыфқа̄фси Кияӷныӷым Акузитаңаның, қаюҳлъяк лӣсимакаҳси хўаңкута апыҳтуӷистыни нанқихтыңъўа̄ӷатаӷаӷьяҳқа̄гукут.