Популарни Библиски стихови од ОТКРОВЕНИЕ 19

Сподели

Да се радуваме и да се веселиме и да Му воздадеме слава, зашто дојде Јагнетовата свадба и Неговата жена се приготви

А на Неговата наметка и на Неговото бедро има напишано име: „Цар на царевите и Господар на господарите.“

И видов отворено небо, и ете, бел коњ, и Оној, Кој седеше на него, се вика Верен и Вистинит, и суди и војува праведно.

Очите Му се огнен пламен, а на главата многу круни и носи напишано име, кое никој не го знае освен Него. И беше облечен во облека потопена во крв, и името Му е: Божјо Слово.

И од Неговата уста излезе остар меч, за да ги удира со него народите; и Тој ќе им биде Пастир со железна палка; и Тој ќе ја гази кацата на виното на лутиот гнев на Бога Сѐмоќниот.

И Ѕверот беше фатен, заедно со лажниот пророк, кој правеше чуда пред него, со кои ги заведе оние, кои ја примија ознаката на Ѕверот и кои се клањаа на неговиот лик; и обајцата беа фрлени живи во огненото езеро, што гори со сулфур.