Популарни Библиски стихови од ПСАЛМИ 103

Сподели

Благословувај Го Господа, душо моја, и не заборави ги Неговите добротворства

Тој ги проштава сите твои гревови, Тој ги исцелува сите твои болести; Тој ти го спасува животот од распадливост, те овенчува со добрина и љубов; Ти го исполнува животот со добрини, твојата младост се обновува како на орелот.

Благословувај Го Господа, душо моја, и сѐ што е во Мене: Неговото свето име!

Како што таткото ги милува синовите, така Господ ги милува оние, кои се бојат од Него.

Колку е исток далеку од запад, толку ги оддалечува од нас нашите беззаконија.

Жалостив и милостив е Господ, долготрпелив и многу милостив.

Не постапува со нас според нашите гревови, ниту ни плаќа според нашите беззаконија. Зашто колку е небото високо над земјата, толку е голема Неговата милост кон оние што се бојат од Него.

Господ го постави Својот престол на небо, и Неговото Царство владее над сѐ.