Популарни Библиски стихови од ФИЛИПЈАНИТЕ 4

Сподели

Не грижете се за ништо, туку во сѐ преку молитва и молба со благодарност искажувајте ги своите просби пред Бога!

И Божјиот мир, што го надвишува секој ум, ќе ги запази вашите срца и вашите мисли во Христа Исуса.

Впрочем, браќа, сѐ што е вистинско, што е чесно, што е праведно, што е чисто, што е љубезно, што е на добар глас - ако е некаква добродетел, ако е некаква пофалба - мислете на тоа!

Сѐ можам преку Христа, Кој ми дава сила.

Радувајте се секогаш во Господа! Пак велам: радувајте се!

А мојот Бог ќе ја исполни славно секоја ваша потреба, според Своето богатство - во Христа Исуса.

Она што го научивте, и примивте, и чувте, и видовте на мене - правете го тоа, и Бог на мирот ќе биде со вас!

Вашата кротост да им биде позната на сите луѓе! Господ е близу.

Знам да живеам и во скудност, знам и во изобилство, научен сум на сѐ и во сешто: да бидам сит и да гладувам; да сум во изобилство и во скудност.

Не го зборувам тоа заради скудност, зашто научив да бидам задоволен со она во што сум.