Популарни Библиски стихови од Romanɛ 1

Сподели

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

Alasɛ nɛ kibuidzyɔgo nɛ mɛ tɛzɛzam dzyɔgo denɔ Kpaya ɔkɔ nɛ bu kasɛ, tɛzɛzamdzyɔgo gɛ ganɔ tɛyɛyɛkɛŋam denɔ kesikpɛkpɛ ɔvɛnɔ obekekɔ, ansɛ gɛ kɛ ŋlɔmɛ li sɛ: “Anɔnɛna aba za ganɔ tɛyɛykɛŋam.”

Alasɛ gɛ denɔ kanɔ nɛ tɛbhɛbhɛtɛ nɛm ke Kpaya kpukpu tɛpɛ̃pɛ nɛ mɛ— yɛ kemi mabeke mabeke anɛ ɔfufɔɛ mɛ tɛzɛza— ba tɛ mɔɛ lɛ wee, bee nuilɛesi denɔ kɛgɛ ba tɛ bhɛtɛ nɛm, so dzrɔgbɔ tɛa za kɔ anɔdzyrame.

Alasɛ kɛnyalɛ kɛlɛm sɛ benyi Kpaya, pɔ ba tɛ kpɛ yɛ nɛa bha ansɛ Kpaya pɛ ɔdɔgɔsɛ be hu yɛ ahwɛ, pɔ balɛ kɛtɔkpum bhɛbhɛtɛ nɛ dɛ dzi kɛdɔnyɛdɔ klɛ balɛ bugã idzyi nɛm aza dɔ otumu dɛa na.

Ba tsrakɛ Kpaya kɛgba na kɔ otro, klɛ bakpɛ atɔkpuesi kɔ balɛ kɛdɔ bhɛbhɛtɛ ɔyɛkɔ dɛ Adɔbhɛtɛ— gɛ yɛ la kpɛ nɛa bha ɔykɔ vɛnɔ mabeke mabeke mɛ. Tɛlɛbɛlɛm.

Be bu Kpaya obulo nɛ akasɛ denɔ owũsise gɛ ɔlɔ kititi nɛ banɔ nɛ gɛ ba ma nɛ kpaya klɛ ba lɛ nɛ kɛtɔkpum gɛganɛ pɛ be tii kɛgba nɛ akpɛesi ganɔ balɛ atɔkpum gɛganɛ nɛm

Kɛɛnɛ nɛ shu so, Kpaya ashɛnahwɛ balɛ shu akɔ ishuidzyam awɛ̃bui bhɛbhɛtɛ. Balɛ badzɛ nɛ tsyina balɛ tɛgɛga nɛ anɔnyɛ nɛ gɛ de ɔdzyɔkɔ mɛ klɛ la da bhɛtɛ agɛ edi de ɔdzyɔkɔ. Kana kɛ balɛ banyɛ nɛ tsyɛ ashɛnahwɛ balɛ tɛgɛga nɛ badzɛ nɛ gɛ de ɔdzyɔkɔ mɛ klɛ le be yuku nɛ ishuidzyam ebui nɛ aglɔ. Banyɛ na bhɛtɛ ebui gɛ be zi anɔ shu nɛ balɛ banyɛ glɔ, klɛ ba yɛkɛ butɔtɛtɛta kɛbhɛ nɛ balɛ nahwɛn akpɛ balɛ buzizi nɛ so. Ɔyɛkɔ vɛnɔ otugba, gɛ ba dɛ bhɛtɛ kɛtɔkpum sɛ tɛ ba nyɛna Kpaya tɛtitim evunɔ so, ashɛ̃nahwɛ balɛ shu akɔ kɛtɔkpum manamana, gɛ kɔ sɛ tɛ ba bhɛtɛ kɛgɛ ma sɛ tɛ ba bhɛtɛ.

Ba nyaa ɖɔ sɛ be nu bebuinyi pɔ, be be dzi bagã klɛ la ba tsrakɛ Kpaya nɛ gɛ eti be tsi nɛ ishubhubhui nɛ kɛdɔbhubhɔ nɛ gɛ kɛwɛ̃ ansɛ anɔ tsitsi anɛ buzhuɔɛ anɛ baga nɛ gɛ bee tsi nɛ ɛyɛabha.