Популарни Библиски стихови од Mar 14

Сподели

Kandi agira ati: Abba, Taata, byona nibikubaasikira. Mbwenu nyihaho eki kikopo; kwonka kitaba nkaanye oku ndikwenda, kureka nkaiwe oku orikwenda.

Mureebe kandi mushabe, mutakaagwa omu kwohibwa; manya omutima nigwenda, kwonka omubiri n'omweremwa.

Buzimazima nimbagambira nti: Ahu amakuru Marungi aga garirangirirwa omu nsi yoona, eki ogu mukazi yaakora kiryagambwaho okumwijuka.

Yaabagira ati: Omutima gwangye gwine enaku z'okuunyita; mugume aha nimureeba.

Mbwenu ku baabaire nibarya, Yesu yaakwata omugaati, yaasiima, yaagucwamu, yaagubaha naagamba ati: Nimutoore; ogu n'omubiri gwangye.

Bwanyima yaakwata ekikopo; ku yaaherize kusiima, yaakibaha; boona baanywaho. Yaabagira ati: Egi n'eshagama yangye ey'endagaano ensya, eraasheeshwe ahabwa baingi.

Mpaho Yesu yaabagira ati: Mwena nimwija kumpemukaho, ahabw'okuba kikahandiikwa ngu: Ndyateera omuriisa, entaama zitaataane.

Nimwimukye, tugyende. Reeba, orikundeebya ari haihi!

Yesu nawe nikwo kumugira ati: Buzimazima ninkugambira nti: Iwe, eri izooba, eki kiro, enkoko ku eraabe etakagambire kabiri, nooba waanyogire kashatu.