Популарни Библиски стихови од Mar 12

Сподели

Yesu yaamugarukamu ati: Ekikuru n'eki: Iwe Isiraeli, hurira! Mukama Ruhanga waitu niwe Mukama wenka. Guma okunde Mukama Ruhanga waawe n'omutima gwawe gwona, n'amagara gaawe goona, n'obwengye bwawe bwona, n'amaani gaawe goona. Ekya kabiri n'eki: Kunda mutaahi waawe nk'oku oyekunda. Tihariho kiragiro ekirikukira ebyo.

Mpaho Yesu yaayeeta abatendekwa be, yaabagira ati: Buzimazima nimbagambira ku omufaakazi ogu omworo yaatamu bingi okukira abandi boona abaata omu ibiikiro. Manya bo baatamu ebibashaagire; kwonka we akakye aku yaaba aine niko yaanagamu, haza kari eitungo rye heza.

Yesu ku yaashutamire ahashungaine n'eibiikiro rya Nyaruju, yaareeba abantu nibaritamu empiiha zaabo z'emitoijo; kandi abatungi baingi nibatamu nyingi munonga. Bwanyima haija omufaakazi omworo, yaatamu obusente bubiri, oburikwingana shilingi emwe.

kandi ngu, okumukunda n'omutima gwona, n'obwengye bwona, n'amaani goona, kandi n'okukunda mutaahi we nk'oku ayekunda. Ekyo nikikirira hare ekihongwa ekicwekize kyona, nari ekindi kitambo.

Nawe nikwo kubagira ati: Ebya Kaisaari mubihe Kaisaari, n'ebya Ruhanga mubihe Ruhanga. Batyo baamutangaarira munonga.