Популарни Библиски стихови од उत्पत्ति 3

Сподели

इजी खे जेबे तेसे जवाणसे देखेया कि तेस डाल़ो रा फल़ खाणे खे अच्छा ए ओर देखेणे खे सुन्दर ए ओर अक्ल देणे खे चाणे जोगा बीए, तेबे तेसे तिजी ते तोड़ी की खाया ओर आपणे लाड़े खे बी दित्तेया ओर तिने बी खाया।

परमेशर यहोवा जितणे बणो रे डांगर बणाए थे, तिना सबी बीचा ते साप चलाक था। तिने तेसा जवाणसा खे बोलेया, “क्या ये सच्च ए कि परमेशरे बोली राखेया एस बगीचे रे केसी बी डाल़ो रा कोई बी फल़ नि खाणा?”

ओर मां तेरे ओर एसा जवाणसा बीचे ओर तेरे वंशो बीचे ओर एसा जवाणसा रे वंशो बीचे बैर पैदा करना। तिना तेरा सिर केसेया करना ओर तां तिना री आडिया रे डंग बाया करना।”

तेबे परमेशरे तेसा जवाणसा खे बोलेया, “मां तेरी पीड़ ओर तेरा गर्भवती ऊणे रा दु:ख बऊत बढ़ाणा। तेरे पीड़ा साथे बाल़क जम्मेया करना ओर तेरी इच्छा तेरे लाड़े कनारे ऊणी ओर तेस तां पाँदे अक्क राखणा।”

ओर तां कड़ी मईणत करी की रोटी खाणी ओर अन्तो रे माट्टिया रेई मिली जाणा, तूँ तिजी बीचा तेई निकयाल़ी राखेया ओर तूँ माट्टी ई तो अए ओर माट्टिया रेई फेर मिली जाणा।”

परमेशरे आदमो खे बोलेया, “तैं जो आपणी लाड़िया री गल्ल सुणी ओर जेस डाल़ो रे फल़ो रे बारे दे मैं ताखे आज्ञा दित्ती थी कि तैं से नि खाणा, तैं से खाया, इजी खे जमीन तेरी बजअ ते स्रापित ए। तां तिजी री फसल पूरी जिन्दगी दु:खो साथे खाणी।

परमेशर यहोवा बोलेया, “ताखे किने बताया कि तूँ नांगा ए? जेते डाल़ो रा फल़ मैं ताखे खाणे खे ना कित्ती थी क्या तैं तिजी रा फल़ खाई राखेया?”

इजी खे परमेशर यहोवा आदमी तेथा ते नठाईता ओर जिन्दगिया रे डाल़ो री बाटा रा पईरा देणे खे अदनो रे बगीचे रे पूर्वो री तरफा खे करूबा खे, ओर चऊँ कनारे कूमणे वाल़ी लूपिया वाल़ी तलवार बी ठराईती।

तेबे आदमे आपणी लाड़िया रा नाओं हव्वा राखेया सबी माणूंआ री आम्मा सेईए।