Популарни Библиски стихови од رُومِیوں 6

Сподели

کیوں جو گُناہ دی مزدُوری مَوت اے۔ پر خُدا دی بخشِش ساڈے خُداوند یِسُوع مسِیح وِچ ہمیشہ دی زِندگی اے۔

کیوں جو گُناہ دا تُہاڈے اُتّے وَس نا چلّے گا۔ ایس کر کے پئی تُسی شریعت دے ہیٹھ نئیں پر فضل دے ہیٹھ ہو۔

سو بپتِسمے دی راہِیں اوہدی مَوت وِچ اسی اوہدے نال دفنائے گئے۔ تاں جو جیویں مسِیح باپ دے جلال دی راہِیں مُردیاں وِچوں جوالیا گیا۔ ایسے طرح اسی وی نَوِیں زِندگی وِچ چلّئے۔

تے نا تُسی اپنے انگاں نُوں گُناہ دے حوالے کرو پئی ناراستی دے ہتّھیار ہون۔ پر اپنے آپ نُوں مُردیاں وِچوں جِیوندے جان کے خُدا دے حوالے کرو۔ تے اپنا انگاں نُوں راستبازی دے ہتّھیار ہون لئی خُدا دے حوالے کرو۔

ایہہ جان کے پئی ساڈی پرانی اِنسانِیّت اوہدے نال صلِیب دِتّی گئی۔ تاں جو گُنہگار بدن رَدّ کِیتا جائے تے اگّے نُوں اسی گُناہ دی غلامی نا کریئے۔

ایسے طرح تُسی وی اپنے آپ نُوں گُناہ ولّوں مُردے پر مسِیح یِسُوع وِچ خُدا واسطے جِیوندے سمجھو۔

اسی فیر کِیہ آکھئے۔ گُناہ وِچ رہئے تاں جو فضل بُہتا ہوئے؟ خُدا نا کرے۔ اسی جیہڑے گُناہ ولّوں مر گئے کِیویں اگّے نُوں اوہدے وِچ زِندگی کِٹئے؟

تُسی نئیں جان دے پئی جِہدے تُسی اپنے آپ نُوں تابعداری لئی غلام کر کے حوالے کر دے ہو اوسے دے تُسی غلام ہو جِہدے تابعیاں اوہ۔ بھانویں مَوت لئی گُناہ دے بھانویں راستبازی لئی تابعداری دے؟

پر شُکر خُدا دا پئی بھانویں تُسی گُناہ دے غلام سو۔ تُسی اوس تعلِیم دے جِہدے سَچّے وِچ ڈھالے گئے سو۔ دِلوں تابعدار بنے۔ تے گُناہ توں چُھٹ کے تُسی راستبازی دے غلام بنے۔