Популарни Библиски стихови од من قصّة إلياس واليسع (2 ملوك) 2

Сподели

وبعد ما عبروا، سألُه الياس لأليسَع: "وهلأ، طلوب منّي شو ما بدّك، قبل ما يأمر الله، وروح عنّك؟" فجاوبُه أليسَع: "بُطلب تمنحني نصيب من قدرتَك الروحيّة بتخلّيني الخلف إلَك."

وهنّ وماشيين عم يحكوا، ظهرِت مركبة من نار جارّينا أحصنة من نار وفصلت بيناتُن، وبهاللحظة، ارتفع النبي الياس (عليه السلام) عن طريق زوبعة عالسما.

فقلّه النبي الياس: "طلبت شي كتير صعب، ولكن إذا تمّ رفعي إدّامَك فبيتحقّق طلبَك، وإذا ما كنت وشفت صعودي فما بيتحقّق."

وضرب بالعباية ميّة النهر وقال: "يا الله دخيلَك، يا ربّ الياس وين القدرة لّي رح تمنحني ياها؟" ورجع ضرب الميّ مرّة تانية، وقامت هالمرّة انشقّت الميّ نصّين، وعبَر أليسَع عالميلة التانية.

وبس شاف أليسَع هالمنظر صار يصرّخ: "يا سيّدي، يا سيدي، بيلبقلَك أقوى المركبات والأحصنة تترفعَك!" ولمّا اختفى النبي الياس عن نظرُه قام شقّ تيابُه تعبيراً عن حزنُه.

وهونيك شال النبي الياس عبايتُه، ولفّا وضرب فيا النهر وقامت انشقِّت ميّة النهر، وعبروا النبي الياس والنبي أليسَع عأرض جافّة.

بالوقت يلّي إجا موعد رفع النبي الياس (عليه السلام) عالسما، عن طريق زوبعة. وبأمر من ربّ العالمين، طلع النبي الياس ومرافقُه النبي أليسَع (عليه السلام) من بلدة الجلجال بالسامرة.