Популарни Библиски стихови од Yuḥanna 19

Сподели

Wami iqqas Ƹisa aman nni, inna: "Itwakemmeȓ!" Isaḏar azeǧif nnes, isellem buḥbeȓ nnes.

Menbaƹd i manaya issen Ƹisa belli kuȓci ikemmeȓ, inna: "Aqayi ffuḏeɣ." S wawaȓ nni iffeɣ min d yusin ḏi Lkitab.

Wami iẓra Ƹisa yemmas ibedd akiḏes umeḥḍar nni iy xas iƹizzen aṭṭas, inna-as: "A yemma, aqaṯ ḏin mmim!" Inna-as ƹaweḏ i umeḥḍar nni: "Aqat ḏin yemmac!" Ssenni yuwi-t umeḥḍar nni ɣar ṯeddarṯ nnes.

Wami ruḥen ɣar Ƹisa, war ḏas rzin bu iḍaren minzi ufin-ṯ immuṯ. Walakin ijjen zi ȓƹaskar nni icukk-iṯ ɣar uɣezḏis nnes s yijjen n ukeccuḍ ḏayes ṯicceṭ n wuzzeȓ, uzzȓen-d zzayes ḏeɣya iḏammen ḏ waman aṭṭas.

Iwqeƹ manaya ḥima aḏ ikemmeȓ min d yusin ḏi Lkitab: <War zzayes itrezzi uȓa ḏ ijjen n yiɣes.> Ṯusa-d ḏeg yijjen n lʼaya nneɣni: <Aḏ xzaren ɣar wenni itwacukken.>

Iffeɣ Ƹisa yarbu ṣṣalib s yixef nnes iruḥ ɣar yijjen n umcan qqaren-as <Amcan n Jumjuma.> S wawaȓ n israʼiliyen qqaren-as <Gulguṭa.>

Muḏen-as ijjen n ttaj n isennanen ggin-as-ṯ x uzeǧif nnes. Ggin xas aseȓham ḏ azeggwaɣ.