Популарни Библиски стихови од Yuḥanna 14

Сподели

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

"Itxeṣṣa kenniw war txeyyiqen ca wuȓawen nwem. Amneṯ zi Arebbi, amneṯ ƹaweḏ zzayi.

Lmuƹawin nni netta ḏ Arruḥ iqeddsen, aṯiḏ issekk Baba ƹlaḥsab isem inu aḏawem iseȓmeḏ kuȓci akenniw isfekkar marra min ḏawem nniɣ.

Wenni ɣar ǧant ȓuṣiyaṯ inu ixeddem zzaysent, ataf itḥibba-ayi. Wenni ḏayi itḥibban, ataf aṯ iḥibb uȓa ḏ Baba. Aṯ ḥibbeɣ uȓa ḏ nec, aḏas d smeḍhareɣ ixef inu."

Nec aḏ ttareɣ i Baba ḥima aḏawem yuc Lmuƹawin nneɣni ḥima akiḏwem itiȓi i ȓebda. Lmuƹawin netta ḏ Arruḥ n lḥaqiqa. War ṯzemmar ddunect aṯ teqbeȓ, minzi nettaṯ war ṯ twiȓi ca war ṯ ṯessin ca. Walakin kenniw ṯessnem-ṯ minzi iqqim akiḏwem u aḏ yiȓi ḏaywem.

Marra min ɣa ṯettarem ƹlaḥsab isem inu aṯ xeḏmeɣ ḥima aḏ itwasemɣar Baba s Mmis. Min ḏayi ɣa ṯettarem ƹlaḥsab isem inu, aṯ xeḏmeɣ.

Meȓa tḥibbim-ayi kenniw, ggeṯ zi ȓuṣiyaṯ inu.

Ṯaddarṯ n Baba ḏayes aṭṭas n ixammen. Maƹlik war iǧi ca amenni, iȓi nniɣ-awem-t. Aḏ raḥeɣ nec aḏawem swejḏeɣ amcan.

Xmi ɣa raḥeɣ aḏawem swejḏeɣ amcan nni, aḏ d ḏewȓeɣ ƹaweḏ akenniw ysiɣ akiḏi ḥima aḏ tiȓim kenniw mani ɣa iȓiɣ nec.

Inna-as Tuma: "A Siḏi, war nessin ca mani ɣa ṯraḥeḏ, mammec ɣa nessen abriḏ?"