Популарни Библиски стихови од Ȓexḏayem 1

Сподели

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Inna-asen Ƹisa: "War ḏawem itwasmeḥ ca aḏ tessnem lʼawqat niɣ ḏ ttawarix tuɣa igga Baba s ssulṭa nnes.

Wami tuɣa akiḏsen itett, iweṣṣa-aṯen inna-asen: "War teffɣem ca zi ṯendint n Lquds. Rajam aȓ d ɣa yas min iwƹeḏ Baba iy xef ḏawem tuɣa ssiwȓeɣ. Iƹni Yaḥya iṭehhar i yiwḏan s waman, kenniw war ḏawem iqqim ca aḏ twaṭehharem s Arruḥ iqeddsen."

Wami iƹḏu ȓaƹḏab n ȓmewṯ nnes, itmeḍhar-asen-d x yijjen n arbeƹin yum isefham-iṯen mebȓa ccekk netta aqa iddar. Itas-d ɣarsen issawaȓ akiḏsen x ȓmulk n Arebbi.

Ɣir ikemmeȓ Ƹisa awaȓ nnes, itwarfeƹ ɣar ujenna. Qqimen txezzaren ḏayes uca iweddar-asen ḏeg useynu.

Qqimen txezzaren mliḥ wami yuȓi ɣar ujenna, ƹlaɣafla ufin akiḏsen ṯnayen n iṯarrasen bedden, ɣarsen arruḍ ḏ acemȓaȓ. Nnan-asen: "Ay iryazen n ṯmurṯ n Ljalil, mayemmi ƹaḏ ṯbeddem ḏanita txezzarem ḏeg ujenna? Qa Ƹisa-ya wanita iy ḏawem itwarfƹen ɣar ujenna, mammec ṯ ṯeẓrim igaƹƹeḏ ɣar ujenna amenni iy d ɣa iḏweȓ."