Популарни Библиски стихови од 1 Ayṯ-Kurinṯ 15

Сподели

S manaya ay ayṯma imƹizzen inu, beddeṯ nican maci akenniw senhezzen. Ggeṯ lmejhud nwem ȓebda ḏi ȓxeḏmeṯ n Siḏiṯneɣ, qa ṯessnem belli ȓxeḏmeṯ nwem ḏi Siḏiṯneɣ maci ḏ ȓbaṭeȓ.

Neccin a neḥmeḏ Arebbi! Netta iticc-aneɣ-d bac a nerbeḥ s Siḏiṯneɣ Ƹisa Lmasiḥ.

War xeddƹeṯ ca ixef nwem: "Ṯamƹacareṯ ṯaƹeffant, tḍeyyaƹ ttarbiya ṯaṣebḥant."

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

<Hiwa cem a Ȓmewṯ, arbaḥ nnem mani iǧa? Hiwa cem a Ȓmewṯ, ṯiqqest nnem mani ṯeǧa?> Aqa ȓmewṯ ṯiqqest nnes tas-d zi ȓmuƹṣiyeṯ. Qa ȓmuƹṣiyeṯ ṯizemmar nnes tas-d zi ccariƹa.

Aqa qqareɣ-awem ijjen n ṯmesȓayṯ ȓmaƹna nnes inuffaren: Qa war netmetti ca s marra iḏneɣ. Xmi ɣa iṣuḍ zzammar aneggaru ataf a nbeddeȓ marra iḏneɣ ḏi ṣṣifeṯ nneɣni. Manaya aḏ yiȓi ḏeɣya ḏeg yijjen n warmac n ṯiṭṭ. Aḏ iṣuḍ zzammar nni ṯumma aḏ d twasnekkaren imettinen iƹni aḏ duman i ȓebda a niȓi nbeddeȓ ḏi ṣṣifeṯ nneɣni.

Cuf, s yijjen n bnaḏem Adam ṯusa-d zzayes ȓmewṯ. S yijjen n bnaḏem ƹaweḏ ṯusa-d zzayes lqiyama n imettinen. Ȓaḥeqqac am mammec iy ɣa nemmeṯ marra s bnaḏem nni Adam, ammu ƹaweḏ aɣarneɣ ṯiȓi ṯuḏarṯ i marra neccin s Lmasiḥ.

Cuf, min ifennan itxeṣṣa aḏ iɣmes s min war ifennin, ḏ min itmettan itxeṣṣa aḏ iɣmes s min war itmettin.

Aqa itxeṣṣa aḏ iḥkem Lmasiḥ aȓ ɣa igg Arebbi marra ȓƹaḏyan nnes swadday n ssulṭa n iḍaren nnes. Ȓaƹḏu aneggaru iy ɣa ibeṭṭeȓ nettaṯ ḏ ȓmewṯ.