Популарни Библиски стихови од Kadadiam 27

Сподели

La Puang Allataala hi too umpatuhungangko uham yabo mai langi' anna napomalompoangko bela'mu anna umpomahombo gandummu, nasuhum la kembua tiluppi'-luppi' anna anggurmu la lempam pole pa'pongngeammu. Anna ingganna hupatau, iko la napengkahea'i anna ingganna issinna mobotto-bottoam iko la napenombai. Iko toi la umpahe' ingganna solasubummu anna la napenombaiko pessubunna indomu. Anna la seda to untädoko, la ullambi' tamba' to umpa'lambeangko.>>

Nauam Esau: <<Kapenduangkum natipu, naande sanganna Yakub. Puham naala kakakaangku, naala pole oom inde pa'lambe la dibeennä'. Tä'um isanga deem pa'lambe senga' la umbeennä', ambe'?>>

Natimba'im Ishak naua: <<Ongeammu iko la sikambela litä' malompo anna tä' la nalambi' uham yabo mai langi'. Anggam iko la tubo dioko mai kabahaniammu anna la napahe'ko adimmu. Sapo' pissam wattu la umbela hi too ullappasam kalemu dio mai pampahe'na adimmu.>>

Ma'kada oom Esau lako ambena naua: <<Anggam isanga sahhupa pa'lambe muampuam ambe'? Pa'lambeannä' kao duka'!>> Mane kaoli-oli oi sumahho.