Популарни Библиски стихови од Mɑ́lɛ́kúshi 13

Сподели

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ ńdɑ́Ꞌ sʉk kɛ́ kɑ́ɑ ɡʉnɛ ŋ́ɡɛ ńduk.»

Pʉʉ kɛ́ ńdɑk tú yʉ́ʉ, kɔɔ pʉʉ fʉ̈ɔ́nɛ, ńdɛ́. Mbíꞌŋɡɔ pʉʉ kɑ́ pɔ́ ńjí ŋkɑ́ yi mîmɑ́ mɛnu ɡʉ ŋ́ɡɛ ńtɔ́ pɔ́.

Pɛ́ lɑɑ ŋ́ɡɛ ḿbɔ́ tɛ ŋ́ɡẅɛɛ wʉ́ʉ, ŋ́ɡʉ nɛ́ ŋɑk wʉ́ʉ, kɔɔ pʉʉ puꞋ mbʉʉ yʉʉ ŋɡɔ pʉʉ ɡʉ ńtɔ́ zúꞋu ńcú ŋɡɔ kʉ̈ɔ́ ɔɔ, pʉʉ ɡʉ yʉ́ʉ ɡʉnɛ. Sɛ́ ɡʉ ŋ́kúu zúꞋu ŋkɑ́ yîyɑ́, ńníꞋ nu ntsu pʉʉ, pʉʉ cú. N cú pɑꞋɑ, mbíꞌŋɡɔ, pʉʉ ɡʉ ŋ́ɡʉ tɛ ŋ́kúu zúꞋu, pʉʉ pɔɔ pɛnnɛ ńcú nu pɔ́. Zẅikŋɛ-Sɛ́ tsʉ́Ꞌnɛ ńcú nu nǔu yʉ́ʉ zʉꞋ.

Nɛfɑŋ pɔ́p tsɛ́tsɑ́Ꞌ ɡʉ ŋ́ɡɛ ḿmɛ, lɑ́ sẅiŋɛ yɑ́ɑ lɑ́Ꞌ mbɔɔ pɛ́.

Lɑ́, ɛ́ kɛ́ ŋ́ɡʉ nǔu yîyɑ́ lɛ́Ꞌ, pɔ́p ŋkɑ́ yi mɔnɛ mɛnu ɡʉ ŋ́ɡɛ ńdɛɛ, mbɔ sɑ̌ɑ ŋu kɛ́ jí, tɛ mbɑ pɛcʉ̈ɔ́Ꞌ-Sɛ́ pi pɔ́p tʉ́nɛ́pú, tɛ mbɑ mɔ́ɔ-Sɛ́. NdɑꞋ Tɑ̌ɑ zɛ́nɛjʉ́ jínɛ.

Pʉʉ lɑ́Ꞌ ḿbɔ́ tɛ ńzúꞋ pɛ́ pɔ́ ńcú nu nǔu mɛntsɔ mi ɛ́ cẅɛtnɛ nǔu wʉ́ʉ shʉ́, kɛ ŋɡɑ sɛsɑ ɔɔ, kɔɔ pʉʉ cʉɔꞌ. Ɛ́ sɛ́ ḿbíkŋɛ ŋɡɔ yîyɑ́ yúu piitɛ ńdɛɛ, lɑ́ ɛ́ ɡɔ́ɔ ńdɔk ḿbɔɔ pɔ́ ŋɡɔ njí mɛ pɔ́.

Mbɑ pʉʉ yʉ́ʉ, kɔɔ pʉʉ fʉ̈ɔ́nɛ ńdɛ́. Mbíꞌŋɡɔ pʉʉ kɑ́ pɔ́ ńjí ŋkɑ́ yi ŋɡɑŋnjɛ́Ꞌ sɛ́ ńtɔ́ pɔ́. Kɛ ɑ ɡʉ ńtɔ́ pɔ mbɔ́tnjí ɔɔ? Kɛ pɔ tsɛt nɛtúꞋ ɔɔ? Kɛ pɔ ntsuŋkẅɛ́Ꞌ ɔɔ? Kɛ pɔ mbɑꞋmbɑꞋɑ́ ɔɔ? A lɑɑ ḿvukŋɛ vukŋɛnɛ ńtɔ́ ŋkɑ́ kʉ̈ɔ́ lɑ́, mbɔ ɛ́ kɑ́ pɔŋ ŋɡɔ ɑ ɡɔ́ kẅɛ́ɛtɛ wʉ́ʉ, pʉʉ pɔ́ ńdɛ́ pɔ́. Nu yi n cúnɛ mbɔ̌ pʉʉ lɑɑ, n cú mbɑ mbɔ̌ pʉɔ tsʉʉ. Kɔɔ ŋu fʉ̈ɔ́nɛ ńdɛ́.

Lɑ́Ꞌ ɡʉ ńdɑ́Ꞌ ńdɔ sɛ́ ńdʉ̈ɔ́Ꞌ yɛcɔ́, fɔɔtúu lɔ sɛ́ ńdʉ̈ɔꞋ wɛcɔ́, tsɛ́tsɑ́ꞌ ɡʉ ńdɑ́Ꞌ tsʉ́Ꞌnɛ nǔu mɛzʉꞋ tɛ ńzɑ́ɑ, cʉ́ pɛn ḿvu. Mɔnɛ mɛnu lɔk ḿbɔ́ nzɛnɛ ŋɡʉ̈ɔ́Ꞌ. Lɑ́ ŋ́kɛ́ ḿbɔ́ pɔ pɑꞋ mɔ́ɔ nɛmnɛ mɑŋɡɛ́ shǔutɛ lɑ́.

Ɛ́ kɛ́ ḿbɔ́ ḿbíkŋɛ ŋɡɔ pɛ́ piitɛ ńcẅi Ŋkʉʉ Sʉ́Ꞌnɛ mbɔ̌ mɛŋɡɔŋ tsʉʉ.

Pʉɔ tɛ ńzɑ́ɑ ɡʉ ŋ́ɡɛ ńtík lík yɑ́ɑ mbi, mbɑ wɔ̌ lɑ́ nǔu pɔ́p cú ŋɡɔ ɑ Nzɑ́Ꞌŋkʉ ẅi Sɛ́ kɑ kɑꞋnɛ, ńcú pɔ́Ꞌɔ, ńdɔk fu pʉɔ tɛ ńzɑ́ɑ.

Pʉʉ lɑk tú yʉ́ʉ, pɛ́ ɡʉ ŋ́ɡɛ ńdɔk wʉ́ʉ ŋ́ɡʉ zʉꞋ yí pɛ́ zɑ́Ꞌnɛ ntsɑŋ zúꞋu, ńtswɑ́ɑ wʉ́ʉ mbɑ tsɛt mɛndɑ́-cúꞋlɛ-pɑyúdɑ, ńdɔk wʉ́ʉ ŋ́ɡʉ mbi pɛŋɡɔ́mnɑɑ pɔ́p pɛfɔɔ-mɛlɑ́Ꞌ mɔnɛ, ŋɡɔ pʉʉ sẅíi nu yɑ́ɑ mbi pɔ́p.

Mbíꞌŋɡɔ ɡɑŋ-cɔtnu ɡʉ ŋ́ɡɛ ńcẅɛt, pɛcɔ́ cú ŋɡɔ: «Mɔ nzɑ́Ꞌŋkʉ Sɛ́ kɑ kɑꞋnɛ, pɛcɔ́ pɔ́ ŋɡɔ pɔ́p pɛŋɡɛ́mndʉ̈ɔꞋ-Sɛ́, ńnyɛt mɛlii, ŋ́ɡɛ mɛŋkʉꞋnɛ mɛnu nɛlɔk ḿbʉ́ʉpɛ tú-pʉɔ, tɛ ḿbɔ́ mbɔ pɔ́p lɔk ḿbʉ́ʉpɛ mbɑ yɛ pʉɔ pi Sɛ́ kɑ tsɔ́Ꞌnɛ.

Lɑ́, ɛ́ ɡʉ ńdɑ́Ꞌ ḿbɔ́ nǔu mîmɑ́ mɛlɛ́Ꞌ, tɛ mbɔ yɔ ŋɡʉ̈ɔ́Ꞌ lɛɛ mɔ́, pɛ́ jʉ́ɔ mɔ́nɛm shɔtnɛ sʉ́ʉ, sɑŋ pɔɔ pɛn ńtɑ́ pɔ́. Pɛcʉ̈ɔ́Ꞌ-sɑŋ fú tʉ́ nɛpú ḿvutɛ sɛ́, Yɛ́tɛ yúu sʉ́Ꞌnɛ yi ɛ́ nɛfɑŋ puu ńtɑ́kŋɛ.