Популарни Библиски стихови од Езэкилё 34

Сподели

“Сави́ нашадяпэ – одоля латхава, сави́ сыс утрадыны – одоля рискира́ва, сави́ сыс дукхады – одоля пирипхандава, а одоля, сави́ яця́ древа́н тхулы и одоля, сави́ на кандэ́ла – лэн хасякира́ва Мэ; Мэ ява́ва тэ чаравав лэн чачипна́са.

Сыр чхупна́ри пропатякирэла пэ́скирэ бакрэ́н дро дова́ дывэ́с, ко́ли ёнэ роспрастандынэпэ, адя́кэ Мэ пиридыкхава сарэ́ Мирэ́ бакрэ́н, Мэ зракха́ва лэн сарэ́ штэтэ́ндыр, карик ёнэ сыс рострадынэ дро кало́ дывэ́с облокэ́нца.

Адя́кэ ракирэ́ла Рай Дэвэ́л, Дэвэ́л: ‘Акэ, Мэ Кокоро́ латхава Мирэ́ бакрэ́н и обдыкхава лэн.

Мэ ява́ва тэ чаравав Мирэ́ бакрэ́н, Мэ ява́ва тэ ракхав лэн,” – ракирэ́ла Рай Дэвэ́л, Дэвэ́л.

“И со тумэ́ сан Мирэ́ бакрэ́, бакрэ́ Мирэ́ скэдыибна́стыр, тумэ́ сан мануша́, а Мэ сом тумаро́ Дэвэ́л”, – ракирэ́ла Рай Дэвэ́л, Дэвэ́л.

“Манушэ́скиро чхава! Пхэн пир лав ангилпхэныбэ́н пэ Израилёскирэ чхупнарьендэ (пастырендэ), пхэн пир лав ангилпхэныбэ́н, пхэн лэн, чхупнарьенгэ: Адя́кэ ракирэ́ла Рай Дэвэ́л, Дэвэ́л: ‘Бида Израилёскирэ чхупнарьенгэ, савэ́ кокорэ́ пэс чаравэнас! Ци на бакрэ́н трэй тэ чаравэн чхупнарьенгэ?