Популарни Библиски стихови од 4 Kralip 2

Сподели

Kiéli jone piriginé, Ilíia phendiá Jelisiejoske: “Mang, so te keráv túke, angledýr, syr me javáva lynó tútyr.” I phendiá Jelisiéjo: “Dúho (Fáno), savó isyn dre túte, mek te javél pe mánde dre duj móly.”

Kiéli jone giné i dromésa rakirdé, vari-katýr lyjape maribnýtko vurdén, savó xačolas jagása i graja, savé xačonas jagása, i razlučyndle len dujén, i ĥazdyjápe Ilíia dre vihro (riskiribnaskiri balvál) pe bolybén.

I phendiá jov: “Pharipén tu mangesa. Kóli dykhésa, syr me javáva lynó tútyr, tedy javéla túke adiáke; a kóli na dykhésa, to na javéla.”

I lyjá plaščo Ilijaskiro, savó pyjá telé léstyr, i pekadiá lésa pir paní, i phendiá: “Kaj isyn Raj, Devél Ilijaskiro, – Jov Kokoró?” I pekadiá pir paní, i jov rozgijápe odorík i adarík, i pirigija Jelisiéjo.

Jelisiéjo dykhciá i dyjá gódla: “Dádo miro, dádo miro, vurdén Izrailjoskiro i graja léskire!” I na dykhciá les butýr. I uhtyldia jov ídi péskire, i roskustia len pe duj pašá.

I lyjá Ilíia plaščo péskiro, i skrencyndia, i pekadiá lésa pir paní, i rozgijápe jov odorík i adarík, i piriginé jone dujdžiné pir šukí phuv.

I sys adiáke: kiéli Raj Devél skedelaspe te ĥazdel Ilijas pe bolybén riskiribnáskire balvaliasa, to jov dro dová momiénto džálas Jelisiejosa Galgalostyr.