Популарни Библиски стихови од Mataio 7

Sumâtâ thö, mʼ adre me he ka ham köbun; elâm dö, me öbun e he ka wâ thö; seseto thö, mʼ adre me he ka khong ut köbun

anyin ame he ka hu ka tavat hia adre me sumâtâ; kʼ ame wâ hnen at ame elâm; kʼ adre me khong ka at ame seseto.

Anyin a wale haba at ame long hok ta je hofuc ang, me mâdrâ, oge me he ka oûco e me at ae metâ, wale at ame otilâ umen uma hon kic

Anyin a wale, haba ta je ûnyi öbun e weny e me he tavat ka ânyâ köbun, ânyâ thö e kodra: anyin a wale hnanyibu me ta je perofeta.

Ke hnek homa-göule ke ûhnyûkong gethen ka hnyi möt, ke wakhalet thibi tavat adre me wâ e.

Didro ka hnyi homagöule ae hnek: anyin ae gan homagöule, me lau but gethen ka hnyi hnaûhango, ke ödra se hia tavat adre me dit hnyin.

Anyin a wale, a ne mabun, öbun tavat ae monu, he ka wâhmakhmeto hna he ka ham ta je ûnyi ae so ka lakubun, awe, ame ca ti he bi Kamöbun ethö hnyi drany ka ham ta je ûnyi ae so ka tavat adre me sumâtâ e.

CA ûnykûme hwalö, mʼ adre me ca ûnykûme hwali öbun bi. Anyin a haba tulutiny hnobun hna ûnykûme hwalö, adre me he ka ûnykûme hwali öbun bi: helâe minya adre me he ka tulut köbun hoton hnobun hna tuluto.

Ke haba at ame long hok ta je hofuc ang, ke ame ca mâdrâ bi, me adre me he ka oûco e me at ae monu, wale at ame otilâ umen uma hon öny

Ke ieû gam u me wâhmakhmeto atmen hnyin emakan liamekeiny möu, ke u me ca ûnykûme udâ eû hnyin emâkâm bi? Ke u me he ka kâmâu ka ha ka liamekeiny möu, ka habe, Hnö nya thö he ka hom but atmen ûnyi hnyin emâkâm; ke wâ bi, wale udâ hnyin emâkâm bi?

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin. Öbun e he ka wâhmakhmeto ödrin ge anyidrin ta je wan. Hawa, adre me tau wan vine hnyi iwadekong, me je wan meta hnyi iwatetaföcö?

Ke helâe, haba ta je ûö ae so, ame wa so; ke haba ta je ûö ae kong ame wa kong.

E ca khana ûö ae so he ka wa kong, ke ca khana ûö ae kong he ka wa so.

Haba ta je ûö hia ame wa kong, me adre me he ka sö degecâ, me khûâ but ka hnyi meic.