Популарни Библиски стихови од Marko 9

Сподели

O̱bo̱de̱k zin Ye̱su̱ nonno, “Ming elemi e̱e̱ti̱ Ta̱mu̱ta̱dde̱n, obokce atin kaala do̱o̱k ngati e̱e̱t ci elemi zoz cinne.”

Ataman niko, egereny be̱e̱ti̱ do̱le̱co̱, “kelemi anna de̱de̱; eelawa kommog kaal cik iróng aanya kelema Ta̱mu̱ta̱dde̱n.”

Baling oot Ye̱su̱ ki nuyak ca̱a̱to̱, i̱jji̱nne̱t zin nonno ngati aavtte nege do̱, a̱nne̱k ne, “Nya ming iróng naga kottok kuulo ne̱ko̱ ko̱?” O̱bo̱de̱k zin Ye̱su̱ nogo, a̱nne̱k ne, “Iyowa kuulo cik ogon niko lawinte ci Ta̱mu̱ta̱dde̱no̱ do̱ niko.”

“Abunna mile, ma̱i̱je̱ ming amaktal, adiman wo̱ye̱ e̱e̱ti̱ kize mile bo̱do̱k ku̱? Anyait mediz ci milo e̱le̱tti̱ne̱ cuggo̱k, kar a̱vvu̱t labak ki ol do̱o̱k.”

“Ming ivata e̱e̱ti̱ imma do̱le̱c cidici zare cigannik, ivatana enne annita; ming a̱gga̱ma̱na̱ e̱e̱ti̱ imma annita, iróng a̱gga̱ma̱na̱ annit abarik a̱gga̱ma̱ e̱e̱t bali i̱tto̱na̱na̱ annita ke̱.”

Ka̱du̱wa̱kku̱ng zoz ci een de̱de̱, ming a̱a̱nyu̱ng e̱e̱ti̱ imma maam uduca zare cigannik eci e̱e̱ggi̱nnu̱ niga olli Ki̱ri̱sto̱, amuc atin Ta̱mu̱ta̱dde̱n nonno.”

Azi bo̱do̱k Ye̱su̱ ne, “Ming aanyik e̱e̱ti̱ imma dooli cikidik elemi zoz cinne ko̱ ki̱tto̱zo̱ mu̱nye̱n, agano oroot ming a̱ju̱ko̱ni̱k enne nyatapar ci a̱ddi̱ki̱re̱ ki bee ci a̱ddi̱ki̱re̱ ecebonik i̱nya̱ cinne.

Ming aanyi e̱be̱re̱ci̱ cunne tu̱gu̱ mu̱nye̱n, aarak e̱be̱re̱c neci tu̱. Maya abarik ming i̱i̱zo̱ ba̱a̱li̱ne̱t ci Ta̱mu̱ta̱dde̱no̱ e̱be̱re̱ce̱ co̱de̱, ngati weete i̱zo̱we̱ eberene do̱o̱k a̱ju̱ko̱ni̱k nginti gwo̱o̱yo̱