Популарни Библиски стихови од Éksondo̱ 10

Сподели

Néná bi̱ katsoó Moisee̱: Tꞌen nginí ji ngindyi̱ko̱n nda̱ ree̱. Án boá xi katsꞌen an nga ree̱ ko̱jo mosoo̱, sa̱ꞌín tajárá ini̱ma̱a̱, tsi̱ꞌe̱ nga kokòo̱ ngaꞌniúna nga sa̱ꞌin an chi̱bo̱a̱ ko̱jo ni xi fíndikónná. Bo̱a̱ tsꞌén ka̱ma kꞌuiyée̱ ndíi̱ ko̱jo ndíndée̱ ngayeje ni xi katsꞌenjo̱ an xota̱ Ejiptoo̱, ko̱jo kótsꞌèn nga tsajnókie an, tsi̱ꞌe̱ nga sku̱i̱e̱ nga án boá xi Nee̱ xota̱ Israee̱l.

Kósꞌe̱ Néná bi̱ katsoó Moisee̱: Tjin ji ndse̱ xtji̱e̱e̱n nkꞌa jàn, kó te̱ꞌékjo̱e̱ ji tsi̱ꞌe̱ nga sꞌi̱jñó ngayeje nangi Ejipto̱. ꞌNiú sꞌi̱jñó nga ngaskande xota̱ Ejiptoo̱ ka̱maa̱ sa̱ꞌínjo̱ kui jñoó. Kó Moisee̱ yején tsja xtji̱e̱e̱n nkꞌa jàn, kó ján ni̱xtjin nga achichí ꞌniú kisꞌiejñó ngayeje nangi Ejipto̱. Achichí ꞌniú kisꞌiejñó nga ngaskande nde ngojín xota̱ Ejiptoo̱ xi kamábe ngase kje̱n xkjín, ti̱nde ngiti̱ kamájín tjín nínga kijí ngase ngatꞌa̱ ta̱soboá kastingí. Ta̱nga ngayeje ndiꞌa nínga kisꞌińdo xota̱ Israee̱l tsijen kamá.

Kó Moisee̱ katsꞌénkjatjosón ni xi kiꞌmií. Kó ti̱ kjiꞌa Néná katsꞌénkjaꞌa ngo tjo̱ xi kjindibáni xtji̱e̱e̱n nínga fotjo tsꞌueé, kó nga ngo ni̱xtjii̱n ko̱jo nga ngo ni̱xtji̱e̱e̱n nga jaꞌa kui tjo̱o̱. Nga kisisie̱èn nga kamángindyiojón kui tjo̱o̱ kjindibájo̱ chjo̱bo̱a̱a̱. Kó kisꞌie chjo̱bo̱a̱ ngayeje nangi Ejipto̱. ¡Kji̱e̱ ngo ndi̱yà ya ngo ni xi xikoó xi̱ꞌbi̱ xi kamá!