Популарни Библиски стихови од MARCOS 2

Сподели

Hor-bieññ Jesúz nirieꞌ, ra me leeyâme: ―Meññ-nzaꞌg nehx rquihñ tza lo doctor, mazyg meññ-gayac-ure, wé we rquihñ tza lo me. Naa nehx biaḻaꞌ zidyobyaꞌ meññ-tziaawy, mazyg meññ-guîlquie we zidyobyaꞌ leeyahc.

Hor-bwieꞌ Jesúz ulihbu rlíladzy yâme, ra me mpyquie-gayac-ure: ―Shiꞌñ, xguîlquiey ba psiaaḻdadzyaꞌ gyreu we.

No zegahc ra Jesúz leeyâme: ―Dze-risladzy meññ biaꞌnu we lehdy gacnou meññ, no dac‑e meññ biaꞌn lehdy gzacbeeiy meññ leeu.

No gumm di raḻ gydzihñ yâme lo Jesúz porni bydzeꞌ meññu la, were pshal yâme ihqy yuꞌ xderech ru zu Jesúz, lehdy güdahpu to ru gülety yâme mpyquie-rieꞌ ni gayac-ure ni nash lo camill.

Naa, Mpyquie-Pshahl Dioz Lee, glun laꞌd beeiy rsiaaḻdadzyaꞌ xguîlquie meññ. Were ra me mpyquie-di raḻ gyniꞌby: ―Gapyaꞌ lii: Biahsiꞌ, gülesy xcamilliꞌ, no gübiꞌ xiryuꞌy.

¿Bia leeu ma nehx ngann, ñapyaꞌ mpyquie-rieꞌ ni di raḻ gyniꞌby: “Gyre xguîlquiey ba psiaaḻdadzyaꞌ”, o ñapyaꞌ leeme: “Biahsiꞌ, gülesy xcamilliꞌ no güzeꞌ”?

No biahs gahc me, no gülesy me xcamill me, no byruu me zia me, gawieꞌ gyre meññ. No gatzunadz yâme no gaguguia yâme Dioz no gaya saꞌ yâme: ―Nito dgueññ güieꞌ nó zâ nirieꞌ.