Популарни Библиски стихови од Mathie 3

Сподели

Cóq inha táq arnáq ŏ. Ndô la tíc inha khoiq ngin luaih pien cơt mít tamme loi.

Mui parrứh ngki, bôn sieng Yang Arbang-pilŏ́ng tubau te pilŏ́ng tông idô: “Ndô la Acái cư, án ndon cư amoih lư. Cư sáng bui cannính lư alứng án.”

Cua Yê-su ráp tíc na dơq, dyơ án sớr te dơq. Iki pilŏ́ng arớq ngai pốh, alứng án hôm Arvai Yang Arbang-pilŏ́ng siar te pilŏ́ng arớq achếq cacu bôt tớq cháq án.

Cư táq tíc dyôn inha na dơq, la tíc inha pien cơt mít tamme loi. Ma án ndon tớq tatun cư, án ngki bôn chức clưi te cư. Cư lớiq crái díh léh ntár cơp te dyưng án, co chức cư la két lư. Án ính táq tíc dyôn inha na Arvai Yang Arbang-pilŏ́ng alứng na uih.

Hoi-ndô arớq bôn mui pla achát payơ tumán tôm along. Tôm mmo lớiq bôn culái ŏ, ngai ính cớl alứng arpớt tớq uih.

Ê-sai la ticuoi tang ngcang khoiq tông te Yon idô: “Bôn sieng tubau yứng te ntúq aih, idô: ‘Cóq inha pangcra carna dyôn Ưlla he. Cháh báng dyôn tinớng carna dyôn án pôq.’”