Популарни Библиски стихови од 2 Mga Taga-Corinto 1

Сподели

Pasalamatan nato ang Dios ug Amahan sa atong Ginoong Jesu-Cristo, ang maluluy-ong Amahan ug Dios nga tinubdan sa tanang pagdasig. Nagdasig siya kanato diha sa tanan natong kalisdanan aron kita makadasig usab niadtong anaa sa tanang kalisdanan pinaagi sa samang pagdasig nga nadawat nato gikan sa Dios.

Ingon nga miambit kita sa daghang mga pag-antos ni Cristo, makaambit usab kita sa naghingapin nga kadasig pinaagi kang Cristo.

Daw gipahamtangan kami sa silot sa kamatayon. Apan nahitabo kini aron dili kami magsalig sa among kaugalingon kondili sa Dios nga nagbanhaw sa mga patay.

Ang Dios gayod ang naghatag kanatog kasigurohan diha kang Cristo. Ang Dios mao gayod ang nagpili kanato ug gipatikan kita niya sa timaan nga kita iya na ug gihatagan kita niya sa Espiritu Santo dinhi sa atong kasingkasing ingon nga pasalig.

Kon gisakit kami, alang kana sa inyong kadasig ug kaluwasan. Ug kon gidasig kami, kana alang sa inyong kalipay nga maoy molig-on kaninyo aron uban ang pailob maantos ninyo ang mga kalisdanan nga giantos usab namo.