Популарни Библиски стихови од Maka 6

Сподели

Wanda꞉hali wopu pa a꞉pa꞉tiki pua꞉tiki pimiki handaa Yesu ipika꞉ disaipolo haliweki ame̱le̱ ne napeke nate dia꞉ yeekeme. Koto ekina꞉ Yesuma꞉ iki pa꞉ta꞉ alota꞉ Iki homeke pomana꞉ ipupe. Mo Keneme nane hoto siki pitulu pomana꞉e leekeme.

Koto lemeke ekina꞉ Yesuma꞉ iki pa꞉ta꞉ alota꞉ potopede halita꞉ da ma꞉nda꞉ wanda꞉hali paeyaoma꞉ta꞉ ipika꞉ pi opu halemepate ipika꞉ da haleme wanda꞉halima꞉ make ipika꞉ tapake manuma꞉ make ikana꞉ma꞉ta꞉ ipika꞉ pi na opilimikie leekeme.

Yesuma꞉ mo kawaso mina꞉pa꞉lao kenke nane opolo pulu hata꞉ wanda꞉hali wopu handaata꞉ ikita꞉ mo handeteke hala꞉ hali dia꞉ ya꞉la꞉ sipisipi ma꞉na꞉manu tupa꞉ handaata꞉ ipika꞉ pukima꞉ e̱ alo hata꞉ iki pa꞉ta꞉ a꞉ta꞉ma꞉ homeekeme. Kutupa pimanu wopu waleekeme.

Kutupa Yesuma꞉ ipika꞉ da pa꞉ta꞉ hata꞉ wele pita꞉la꞉ ekimanu pia꞉peke na yeekepate pa yeni hayeke wanda꞉halimanu ipika꞉ kikima꞉ minaa ika꞉ yeni tandelaeyekeme. Ika꞉ hone na tulaemeke ekina꞉ Yesuma꞉ penkilipa꞉tia pominolo hata꞉ ikita꞉ ekipeke pi na opitolo pitelemepe hone wiekeme. Kutupa mo da ma꞉nda꞉ pa꞉ta꞉manu pominolo hata꞉ pi wala꞉tiki piekeme.

Kutupa Yesuma꞉ hande palaowa kitiki siki yunki hata꞉ make hande ta꞉peli yaapo make minaata꞉ ya nane handa꞉liao Koda꞉ pa꞉ta꞉ keiyae laata꞉ palaowa kitiki sunu pindi pindi pea ipika꞉ disaipolo haliwekima꞉ mea wanda꞉hali mina꞉yeke hale hale piekeme. Ipikana꞉ma꞉ ta꞉peli yaapo make pindi pindi pea disaipolo haliwekima꞉ hale hale pina꞉ haleekeme. Paeyaoma꞉ naaka꞉na꞉ta꞉ Weleke tala꞉me lemekeme. Mo wanda꞉hali pa꞉ta꞉ pa wieke palaowa ta꞉peli putu piliki pa wieke ekimanu meata꞉ nu 12 tumbaemekeme.