Популарни Библиски стихови од Romanus 2

Сподели

Pis awna: “Neras kis adahan igkis katiwnivwe avatra gitaraksankis.” Bawa pis hawata kis adahan pis katiwnivwe hawata ke igkisbe. Pis kataraksanata hawata ke igkisbe. Mmah pivewkan ig Uhokri ka katiwnisa pit avatra pitaraksan? Ihi. Ig hiyak pikaknek hawata ku samah ig hiyak gikakkisnek neras kataraksanye. Ba nawenetke pahavwi yaytak hiyapni hene, ig awna: “Awase akak. Nah ka taraksa mpiynevevyema. Ig Uhokri ka gabayisima ukak. Ig bayahminaw ariw utaraksan. Ig ka katiwnisa nutaraksan nutuh awaku ig ka giyaknisima. Ka sam nah ka miniw ariw nutaraksan.” Nukebyi, ka ba awna inakni hene. Ka ba pis hiyap ku ig ka gabayisima pikak adahan pis mara akak ini pitaraksan pis miniw ariw ini pihiyekemni?

Nawenetke pahavwi yaytak hiyapni hene, ig awna: “Neras hiyeg ka kibeynevwima. Ignes katiwnivwenek avatra gitaraksankis. Nahme ka henema. Nah kibeyne hiyeg.” Nukebyi, ka ba awna inakni. Avuriwnaba ku pis hawata kataraksanata ke igkisbe. Ku aysaw pis iki ku igkis ka kibeynevwima, piminwa pis awna ku pis kawnata kibeynema.

Mmanawa ig Uhokri hiyap madikte hiyegiviyenevwi hehpekuye giwtrik. Ig ka mpiyasa pahavwinema gikehni henenwatma. Igkis madikte katiwnihnekuye gitaraksankis gitnek.

Mmanawa ig Uhokri iki ku wis kibeyne ka awakuma ku samah wis kadahan gikumadukan, heneme awaku ku samah wis ihpene ariwn gikumadukan.

Mmanawa aysawnemenek ig Uhokri iki utiwninek pakekunawa akak ku samah ukehni ay amadga inin. Ku wis keh mbayka, mbaykanewa ig iki wot. Ku wis keh kabayka, kabaykanewa wis uti.

Heneme ku pariye hiyeg kehkerevye gidahankiswa gibetkikis, igkis ka ihpekere Uhokri giwn ku pariye inyewatnene, gikehnikis mbaykanenwa, akebi neras hiyeg hiyapnek ku samah Uhokri ka batek akak hiyakemniki ku pariye kane kabay, igkis ivukepkanek hanpa arimkanit biyukwiki.

Pisme ka wageskere pihiyekemni. Piyakni ka adanisima. Ayge nikwe pis kiyesrinene pitaraksan he ku aysaw ahawkanavrik danuhnek adahan Uhokri kahayaksa pitnek ku samah ig ka batek akak ini pihiyekemni kane kabay. Avim ini pis utinek ku pariye kabay pidahan. Mmanawa ig Uhokri ka taraksa ku aysaw ig hiyak ukak.