Популарни Библиски стихови од Matews 13

Сподели

Inme amutri ayak ku pariye tuguhpiye abetit kibeyne wayk innebaki arakak gidahan pahavwi ku pariye timap nuwnuh ig ikatuswa nit, ig mpiksaw niharit. Ig keh Uhokri gibetki nikwe. Gaytakkis hiyeg keh Uhokri gibetki kabayntiwa. Igkis humaw kewa amutribe ku pariye kew madikawku madikwa gukebikis (100). Gaytakkisme hiyeg humaw kewa amutribe ku pariye kew puguhkuna madikwa gukebikis (60). Gaytakkisme humaw kewa amutribe ku pariye kew mpana madikwa gukebikis (30).

Inme amutri ayak ku pariye tuguhpiye abetit pudukuvwi, innebaki arakak gidahan pahavwi ku pariye timap Uhokri giwn ig amavin kabayntiwa. Heneme ig pi ikatuswete adahan arikna amadgaya inin. Ig kinikiswate arit igiska amadgaya inin. Ayge nikwe Uhokri giwn mpithaka abet gihiyekemni. Ig ka kannuhwa keh Uhokri gibetki. Amun ini nikwe ig awayg humaw waditnevyenen kewa pahakti amutribe ku pariye kane kew.

Ku pahavwi timap nuwnuh amin Uhokri gikumadukan heneme ku ig ka ikatuswa nudahan, nikwe ner mbeyevye gihiyekemni ig Satanas ig danuh atere git. Ig wiwhpiye inakni nuwnuh abetitak gihiyekemni. Ayge nikwe inakni nuwnuh humaw kewa ini amutri ayakbe ku pariye tuguhpiye avigkut ahin.

Inme amutri ayak ku pariye tuguhpiye abetit tivebdi innebaki arakak gidahan pahavwi ku pariye timap nuwnuh ig amavin kibehtenwa akak madikte gibetki. Heneme ig ka kamax inakni nuwnuh kabayntiwatma abet gihiyekemni. In humaw kewa pahakti amutribe ku pariye yumanano guhampabet eg ka dep miyó. Ig batek akak nuwnuh adahan aynesa hawkri. Ayteke ku aysaw ig hiyap mbeyne nivatra, aynewa ig miniwvi niw. Ku aysaw hiyeg mahivwihpig nivatra, ig diyuhkiswe butte.

Ayteke ig Kiyavwiye Jesus awna gitkis nawenyewa iwit patuwesbuhka akiw. Ig awna: — Uhokri gikumadukan pi kabayte ariw madikte amadgaya inin. In kewa igiskabe ayempikanbe amadga pahak was. Ayteke in utepka gavit pahavwi awayg. Ig ner awayg hiyapni hene, ig batek ginaktin mpiynevevye. Ig awna: “Nah isimpite inin was nudahan kahadbe nah misekwe akak madikte igiska ay amadga.” Nikwe ig ayempin akiw. Ig tivik ig piyuk madikte gewkanbet. Ayteke nikwe ig isime ini was akak gewkanbet akakuravig.

Araytakme gamutra ayak tuguhe abetit kibeyne wayk. Ayge egkis hiyan. Egkis aymuhwa he egkis kew. Egkis sarayh ka aynsima guwkis. Gaytakkis kew madikawku madikwa gukebikis (100). Gaytakkisme kew puguhkuna madikwa gukebikis (60). Gaytakkisme kew mpana madikwa gukebikis (30).

Isaksanay nor fahhin aymuhwa payebdak akak nor joyo. Ateke egkis ivatte. Ku aysaw fahhin ariw ivatneku nikwe avim ini nah awnanek gitkis nuhiyegavu: ‘Madivwiswinay nor joyo avuwitak fahhin. Wanakinpinwi adahan padekwiki abetit tiket. Ayteke pisenwa, hiyawa yis hiwhe fahhin yis bayehpin arikut fahhin avin.’”