Популарни Библиски стихови од Gallatas 6

Сподели

Uyay ka muwaka ehwa adahan wixwiy keh kabayka. Ku wixwiy ka ehwa nikak, aysawnemenek wixwiy uti ka aynsima kabaykanek.

Uyay keh kabayka gidahankis madikte hiyeg ku samah wixwiy hiya nikehka. Uyay pi mpiksawte keh kabayka gidahankis ukebyuvwiy Jesus gihiyegavu.

Ayavaknay hiyuhwa yiheyvi pawtak. Ku wixwiy keh hene, amun ini nikwe wixwiy mateke Cristo gikumadukan.

Ka yi muwaka kinis yivit. Ig Kiyavwiye Uhokri hiyak ku pariye abet yihiyekemni, yis ka hiya gikinsak. Ku pariye umuthan abetit uhiyekemni innewa hiyan wot.

Ku wixwiy mutuh hiyakemniki amadgaya inin abetit uhiyekemniwiy, ini keh wixwiy biyuk giw Kiyavwiye Uhokri adahan avanenekwa. Heneme ku wixwiy mutuh Kiyavwiye Uhokri Gitip gihiyekemni abetit uhiyekemniwiy, ini keh wixwiy aymuhwa gimun Kiyavwiye Uhokri adahan avanenekwa.

Nukebyuvwi, yis ku pariye wewnevwi akak Kiyavwiye Uhokri Gitip gihiyekemni, ku yis hiyap pahavwi tarakse pahaye adahan, uyay iki gihiyekemni git akak madikte huwivraki ay pivit. Heneme avuriwnabay kahadbe yis ka kawihpikanma payaknema gikak mmanawa yis ka kabaytema giw.

Mmanawa ku wis ikaw ke wotbe wis kabayte giw pahavwi, amun ini wis kinis uvitwa. Mmanawa wis ka ariknawnema. Amawka ku wixwiy mpuse ivegvitawnekuye ba wixwiywatma wew wadit. Ayge nikwe ku pahavwi hiyap giwewni wadit, hiyawa ig batek. Heneme amawka ig ka batek awakuma ig hiyap pahavwi tarakse amunma ini ig ikaw kabaytema giw. Amawka ka innema keh ig batek. Mmanawa amawka wis mpuse battukaw adahan uvit.