Популарни Библиски стихови од A̱romawa 6

Mat záng a̱ka̱tuk nyia̱ ji yet a̱khwu kya, a̱wot za̱nang nang A̱gwaza nang zi̱t a̱ni, ji̱ si̱ yet swuan sang sangba̱p ja, nang á̱ shyat di̱ mun á̱pyia̱ ma̱ng Kristi Yesu A̱tyoli nzi̱t wu a̱ni.

Nyi yok shim a̱ka̱tuk nyia̱ a̱ nyia̱ tyok tazwa nyin nang a̱tyoli nyin a̱ni bah. Mat, doka Musa ji ni̱ nyia̱ tyok da̱ nyin bah. Da̱ a̱kwonu a̱kya, nyi swan ma̱ sa̱t mbwak tyok shok A̱gwaza ja.

A̱wot ku li a ngyei zi̱ ku khwu, á̱ si̱ niat nzi̱t ndung ma̱ng Kristi mi̱ Ba̱ptisman ji. A̱wot ma̱nang á̱ ku nta̱ngam Kristi ma̱ng swuan ma̱ á̱niet ba̱ ka̱n kwi a̱ni, mat chet A̱gwaza a̱ yet A̱tyia̱ a̱ byia̱ a̱kyenkyai shi a̱ni, ma a̱nia wa ma̱ninika nzi̱t meang, zi̱ na swan swat swuan swai.

Nyi bu yok nwuak nkap nvam nyin na na̱ yet nkyang ta̱m a̱ka̱kpa̱t. A̱wot nyi bu nnyia̱ a̱ka̱tuk nyia̱ ma̱ng á̱na bah. Da̱ a̱kwonu a̱kya, nyi nwuak á̱pyia̱ nyin jhyem da̱ a̱vwuo A̱gwaza. Mat, nyi ka̱n kwi di̱ nyia̱ a̱ka̱tuk. A̱wot ma̱ninika, á̱ ta̱ngam nyin ma̱ng swuan swai ma̱ á̱niet ba̱ ka̱n kwi a̱ni. Mat a̱nia, si̱ nyi nyia̱ ta̱m ma̱ng a̱mgba̱m nvam nyin na, na̱ yet nkyang a̱tan nta̱m, da̱nian nyi ka nwuak A̱gwaza shi.

Zi̱ lyen ku yet ta hwa, zi̱ ni̱ njhyung nang á̱ ku nkpang a̱khwukhwop a̱ka̱tuk za̱kwa nzi̱t wu da̱ a̱team a̱khwu wu ma̱ng Kristi, da̱nian zi̱ ka swuo chet a̱ka̱tuk nyia̱ mi̱ swat nzi̱t hu. A̱wot zi̱ bu yet á̱khwo a̱ka̱tuk nyia̱ bah.

Ma a̱nia wa, nyin meang ku yet ta hwa nyi kyiak á̱pyia̱ nyin nang á̱niet ba̱ ka̱n kwi da̱ a̱vwuo tyok a̱ka̱tuk nyia̱, a̱wot a̱ka̱tuk nyia̱ si̱ mi̱n nyia̱ tyok da̱ nyin bah. A̱wot nyi kyiak á̱pyia̱ nyin nang á̱niet ba̱ swuan ba̱ ka nwuak A̱gwaza shi di̱ mun á̱pyia̱ ma̱ng Kristi Yesu a̱ni.

A̱wot shimba á̱ na hyia̱ ku á̱ fa; yok zi̱ ya a̱son ma̱ng a̱ka̱tuk nyia̱, da̱nian A̱gwaza a̱ ka shya̱ a̱wat a̱ mbeang fa̱k shok da̱ nzi̱t wa kee? Kaai, ku ma̱ chunchwiit! Zi̱ wa ka̱n kwi da̱ a̱vwuo a̱ka̱tuk nyia̱, a̱ bu si̱ mi̱n nyia̱ tyok da̱ nzi̱t bah. Zi̱ na nyia̱ ni zi̱ bu ngya a̱son ma̱ng swan mami tyok nggu hu?

Nyi lyen nang nyi ngyet á̱khwo kuzang kyang nang nyi khai nyi khwi nhu wa a̱ni a? Ka̱ doot nyi khai nyi yet á̱khwo a̱ka̱tuk nyia̱, a̱ na tyia̱ nyin a̱khwu a̱ni; ku nyi khai nyi khwi A̱gwaza a̱ na tyia̱ nyi swan nang á̱tsotswat á̱niet a̱ni.

A̱wot zi̱ gwai A̱gwaza, ku nang nyi ku ngyet á̱khwo a̱ka̱tuk nyia̱ a̱ni, a̱wot ma̱ninika, nyi san tyiet nzi̱t hu, nyi si̱ khwi nhu ma̱ng fwuo nyiung. Ma̱ninika, nyi yet á̱sa̱t á̱niet bya. Nyi bu yet á̱khwo a̱ka̱tuk nyia̱ bah. Da̱ a̱kwonu a̱kya, nyi yet á̱khwo di̱ swan swat yet á̱tsotswat á̱niet bya da̱ a̱vwuo A̱gwaza.