Популарни Библиски стихови од Mat 2

Bemenyi bɛsana nyiofokine eényí eé ciíbe, bá ŋá lɛca na ɔɔ́nɔmbɔ́ ne iinyí Malíi. Bé ŋé túméke eŋéndu o onyemi ɔɔ́nɔ́. E elime eécí, bé ŋe bú kúúnéke bíábɔ́ bɛmbalá, bé ŋé iínjíékíne bɛnyɛ́ma eebi : Ne kóolo, na bɔɔlɔ, ne míile .

Aáná Yésus ŋeé bíbíéné a Bɛ́tɛlɛhɛm, i iisí ci Yuté, e ekúlú eyí Elóot ŋaá bá otéŋí. E elime eécí, bemenyi bɛsana ŋa ka bɔ́ hátɔ́na náábɔ́ a aháŋá yɛ́ nyɛháma nyɛ́ ɔɔ́cɔ́, bá ŋga hámɔ́kɔ́ná eé Yelúsalɛm. Bé ŋe bú túmé o húle báta baacɔ anyía bé beébe tóŋínyi haála ehé bé meé bíéne otéŋí u *Besuif. Yááŋa anyía bá ŋa bɔ́ lɛ́cáka hííyé hinjoti á nɔ́maka náábɔ́ a aháŋá yɛ́ nyɛháma nyɛ́ ɔɔ́cɔ́, buátɛ́ bɔkɔ bá ŋga bɔ́ hátɔ́kɔ́na o okoó wuúci lɛca, anyía bébú wuúci nyemíki.

Ɛ́makɛ́la Elóot á táŋáká aáná, bemenyi bɛsana ŋá hatɔ́na, bé ŋé súéte. Bá ŋá lɛcɔ́tɔ́na hinjoti ahɛ́ bá ŋa bɔ́ lɛ́cáka náábɔ́ a aháŋá yɛ́ nyɛháma nyɛ́ ɔɔ́cɔ́. Bá ŋa bɔ́ bá háyɛ nyitíne nyí bilúŋe o o hiíhi lɛca. Hí ŋe túme o beébe kɔ́kɔ ohónyí, ɔ ɔkɔɔ́háma ayɛ́ hɛ́ ŋaá tálɛ́mɛ́ná ɔ ɔmuaná, haála ahɛ́ ɔɔ́nɔmbɔ́ ŋaá bá.

E elime eécí, Bandɔ́mɛsɛ́ ŋeé beébe óókísí a alamá anyía bá tɛ hálɔ́mɔ́na né Elóot. Ɛ́ɛhɛ́ bé ŋe bú hííte ohónyí ú etémbí ɔ ɔhálɔ́mɔ́na aabɔ́ a bunɔŋɔ. Ɛ́makɛ́la bemenyi bɛsana ábɔ́ hɔ́la, *elilé yɛ́ bɔsɔ́ma yí Otéŋí a Waáŋá ŋé bítóŋínyi ná Yɔ́sɛb a alamá. Yí ŋé wuúci laána yɛ́sɛ : « Hatɔ́na, é tényí súéténe na ɔɔ́nɔ́ ne iinyí e *Esíbit. Ké ké limékíne hɔ́á ɔ ɔkɔɔ́háma ayɛ́ ɛ ká mɛ ɔ laana anyía á ka hálɔ́mɔ́na. Yááŋa anyía *Elóot yɔ́ cɔba ɔ ɔwaambaka ohónyí wú ɔwɔɔ́nɔ ɔɔ́nɔmbɔ́ oócí. »