Популарни Библиски стихови од Филипјаните 4

Сподели

За ништо не грижете се, туку во сѐ преку молитва и молба со благодарност изјавувајте ги пред Бога своите барања

и мирот Божји, што надвишува секој ум, ќе ги запази вашите срца и вашите мисли во Исуса Христа.

А понатаму, браќа мои, на она што е вистинско, што е чесно, што е праведно, што е чисто, што е љубезно, што е достојно за слава, на она што е добродетел, што е за пофалба, само на тоа мислете!

Се можам преку Исуса Христа, Кој ме крепи.

Радувајте се секогаш во Господа, и пак ќе речам: радувајте се!

Мојот Бог, по Своето богатство, нека ја исполни секоја ваша потреба, за слава преку Христа Исуса.

И она, што го научивте, примивте, чувте и видовте во мене, тоа вршете го – и Бог на мирот ќе биде со вас!

Кротоста ваша нека им биде позната на сите луѓе! Господ е близу!

Знам да живеам и во скудност, знам да живеам и во изобилство; научен сум на сѐ и секако, и сит да бидам, и глад да трпам, и во изобилие да сум, и во немање.

Ова го велам не поради немање, бидејќи се научив да се задоволувам со она што го имам.