Популарни Библиски стихови од 1. Петар 4

Сподели

А пред сѐ, имајте постојана љубов меѓу себе; оти »љубовта покрива многу гревови«.

Служете си еден на друг, секој со дарот што го примил, како добри распоредници на разнообразната Божја благодат.

Ако некој говори, нека знае дека зборува Божји зборови; ако некој служи, нека служи според силата, која Бог ја дава, та во сѐ да се прослави Бог преку Исуса Христа, Чија слава и владеење се вечни.

но, ако страда како христијанин, да не се срамува, туку да Го прославува Бога за таквото учество.

Но близу е крајот на сѐ. Па бидете мудри и бодри во молитвите.

Возљубени, не чудете се на огненото искушение, што ви се праќа поради испитувањето, како нешто ново да ви станува; но, во колку учествувате во страдањата Христови, радувајте се, та кога ќе се јави Неговата слава да се возрадувате и развеселите.

Бидете гостољубиви еден спрема друг без негодување.

И така, оние, што страдаат според волјата на Бога, нека Му ги предадат Нему, како на верен Создател, душите свои, правејќи добро.

Бидејќи, пак, Христос пострада со телото за нас, тогаш вооружете се вие со таа мисла; оти, кој ќе пострада со телото, престанува да греши, та преостанатото време на животот во телото да не го проживее веќе со човечки похоти, туку според волјата Божја.

А ако не укоруваат за името Христово, блазе вам, оти Духот на славата, Духот Божји почива на вас: тие, значи, на Него хулат, а вие – Го прославувате.