Популарни Библиски стихови од Apocalipsis 10

ndá tsjixraká ti ña̱o ndá ti ya̱to̱xi̱n ángel tsꞌánoa ti trompeta ndá tsoxiteyá ti nkehe jehó Díos nohe, éxi ti tsíchenka chꞌan ti sin kꞌuéchronka itén chꞌan ósé.

Ndá kꞌue̱to̱an chꞌan ndáchro chꞌan: ―Ticháxi̱n tso̱chro̱nkaxián itén Díos ínaá kixin tsihin nchónhña chjasin, nación, ngiva la ko rey.

Ndá chrꞌéxi̱n kꞌuíkua̱n íjnko ángel imá chónta kjuachaxin kꞌuínkaji̱nxi̱n nka̱jní, tjenkákjan itji̱ la ti ikja chꞌan la chónta ijnko konche̱cha̱. A̱ndá ti nkayakon chꞌan la imá tjáki̱ni éxi ti ña̱o, a̱ndá ti to̱té chꞌan la éxi xrohi síchrꞌákjen tsjehe.

Ndá sákjuiá ti itjen ti ángel la kjuáncháha̱ ti libro intsí ndá jehe chꞌan ndáchro chꞌan: ―Tákjá, la inte. Ti ó tsochrꞌáxehen irꞌua la tso̱xé éxi itsje̱n kotsje̱nta, kjánchó ti ó tsjiji tsaá la imá tso̱tsjá. Ndá kuákjaá ti libro intsí tjexraá ti ángel la kjonié. Ndá ti ó chrꞌaxaha̱n irꞌua̱ la imá ixé éxi itsje̱n ndá chrꞌéxi̱n la imá kótsjá ti ó kjuíji nkaya tsa̱na.