Популарни Библиски стихови од 1 Pedro 5

Chróchenkara Díos kaín ti kjuaxikaon chontara kixin jehe chꞌan la imá tꞌayakohen chꞌan ti jahara.

A̱ndá ti ó tsjixin tsjasótiara, kjónté kanhñó isé, la Díos sinchetjóá ti jahara la ko a̱ntsí tsjinki̱tsa chꞌan kixin tsjachara tsꞌejora jína. Méxra̱ Díos la tjua̱hára la kꞌuéya̱hára chꞌan kixin tsꞌejoko̱ara chꞌan nkoko̱a ti itjen Ìnchéni Jesucristo chónta kaín kjuachaxin.

Méxra̱ chrókóxakohanra jína chrókꞌuejora kixin ti Jínahña, ti nkexro nínkakohanra, mé éxi ijnko koxra̱ jie̱he xi̱kaha xritjeyá nkexro sinie. Jína chrókꞌuejora, chrókuinkachónkira Ìnchéni. Tjájonhñara kjuachaxin kixin ti jínahña chrókjuacha chrókꞌue̱tua̱hanra, la ó nohara kixin kuenté chjasintajni la kaín ti sin kichuara tjejótjasóte sin kixin tinkáchónki sin Ìnchéni.

*Méxra̱ chrókjui̱nchenkehyara, chrókjui̱nchentsí a̱sánra, la chrókjui̱nchexiteyéhéra Díos kixin jehe chꞌan la chónta chꞌan kjuachaxin ijié, la ti ó tsokjan chꞌan la tso̱tjáhara chꞌan kjuachaxin.

*A̱ndá jahara ntasoíra chrókjui̱nchexiteyéhéra ti sin tꞌe̱to̱an kuènté ni̱nko la ko kaínra nkojína chrókjui̱nchexiteyéhéra kichuara la chrókjui̱nchenkehyara kixin: Díos la tjinkakonhña ti chojni nchehnke, a̱ndá ti sin nchenkehya mé tsjinki̱tsa chꞌan.