Популарни Библиски стихови од Agalatiyayi 5

Сподели

Ama, n Zafun Gyi-gyi-yi nu gyi be tu n yi tukwo wo ɓa ɓe n na aɓeye pyai n yi mi. Yeye, bugba-buyi, bugba fu, hakuri azaye n cei ɓemana zhin. Ɓefyece, zawanshi, peceiye. Aɓeye vinya ta zhin gaba lo na Yahudiyi aɓeknin yin.

Mi ga fye shaula, fye vi Zafun Gyi-gyi-yi ɓowu nu, wo ɓa gna fye aba nfye ɓa lo n nyai n fye ɓa zhin, n lonu fye ta zhin ɓenukwoyi zhin nfye nayi nukwoyi ye fya zhin.

N yi sase lo nsaiyei n Zafun Gyi-gyi-yi iko yi, yi vi Zafun Gyi-gyi-yi ɓowun n yi asese vinya.

Aza nɓa zhin Kristi nya ɓa ku nayi zundu n kwa shakpei vinyan kpe nwo zundu.

Ama nfya vi fyehin ɓeye, fye ɓa zhin aɓenukwoyi ye, aɓonubozhin nukwoyi, shakpe nukwoyi aɓo awyeda nya. Shangba, alijanu bauta zhin, aza wyegbaci n ɓa to zhin honyan, nuwun n gusun yi, eshe n minagyi yi, n atnazhin yi. Eshe anya pwawo nya, zawu, jesin, n na wyefan kasa yi, n na ɓe deye pyai vinya. Ma gna fye njesun shi mi ɓei shin fye gna, oza n wo zhin aɓeye vinya wo ta lo Shekwoyi bemin.

Emazaje, ala loloya ga fye, to ge loloya fya zhin ɓenukwo yin, ama loloya fya ye na jei fya bma je zhin.

Gama yi gna ye ya zhin ɓo n yi nayi a gnayi ge yi zhin, gbo n nyai n Zafun Gyi-gyi-yi ye ya zhin. Anya manayi n Zafun ye ya zhin ɓa wu gbo n nyai n nayi ye ya zhin. Anya deye ngun aba n ɓafi n yi nayi nyi, ɓa sunkun na jei n na bai ɓa gyi nasara n yi tukwo, ɓai gna ya ɓomwi gna-gna.

Gama owa vinya dna n wyidna gmanyi ye, “Fye ye na zajei, shi fye ye n fyehin tukwoyi,”

Nnavun yi ta shan mwa-mwa zanshin akpeyiye na za ba nkwo ɓe nshewo yi nyim.

Ntu cenu, Kristi la yi loya. Fye ku kpe ɓehin-hin, ge fye filo n yanci ye to fya je fyehin pa fi n na Yahudiyi aɓokni n na knunu yin.