Популарни Библиски стихови од Números 20

Сподели

hakia Senhor Deusũ Moisés inũ Arão ana yuikĩ: —Ũpash hatu amakĩ haska ẽ matu yunua shinãkĩ mã akama inũ hatu bebũshũ mã pe ea hatu kẽwãmamawẽ taea ha mai pepa hanu ẽ hatu ibuwamashanai anu ha yurabube kai maturi mã hikiama ishanaii— akĩ Senhor Deusũ ha dabe hatu kupinikiaki.

Moisés Senhor Deusũ ana yuikĩ: —Ha mestẽti bitã mĩ betsa Arãobetã minabu ha mishki bebũ hatu itxawawe. Ha itxabu bebũshũ hau ũpash shuru inũ ha mishki ewapa hãtxawẽ yunuwe. Hanua mĩ yunua ũpash tueai mĩ uĩshanaii, hau minabu inũ hatũ inabũ hanua ũpash anũbunã— aka

haska hatu yuitã mestẽti sanãtã dabeki mishki ewapa kusha ũpash itxapa tuei shuru iki taeaya yurabu inũ hatũ inabubetã akaibũ

txipu mishki ewapa bebũshũ Moisés inũ Arãonẽ hawenabu itxawashũ hatu yuikĩ: —Nĩkaisma huĩti kushibuũ, nĩkakãwẽ, matu yuinunã. Matu ũpash amanũ, iwanã, na mishki ewapa anu matu ũpash tashnimashũkĩ matu shuru imashũpa, mã ha anũbunã?— akĩ