Популарни Библиски стихови од Lukə 8

Сподели

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Ɉihɛn ɉuwu yii ŋɛ̨i too ɲɔw ɲąąlən ɉu, yili kaa yɛ: nuą yiiɠaai da Yálá laawoo mɛ̨n, da kulɔ tɔwɔ pələ, liihɛlɛn damąą ə too diɛ, yɛ pələi: hɛn gɔw kɛnɛ̨ hɔlɔɓo liihɛlɛn, di kpɔɔ liiɓa kɛ liihɛlɛn ə too diɛ kɛnɛ̨, ə tɛɛ mɛ̨nį kəlee ɓa. Mɛ̨nįɠaa tii kəlee a kpinįn a diɛ, di too, di ɓa yɛ ɓo a vəlee.

Daɠaa kɛ pələ yɛ ɓo yɛ, vaɲą ŋą lɔi. Yiliɠaai da Yálá laawoo mɛ̨n, di di yee hee mu a kwəinɛ̨ɛ̨. Kɛlaa, di hva nɛɛ laa, hvo ɉamu pili di lii hu, da laa lɔ nwoo tii la a lɔwai logolo tiikpə. Ɓɛlɔwai ɓɛlɛkpɛɛ mąą a həli la diɛ, da həɠə laa na pələ mɛ̨i.

Jesus ə tinɛ̨n, yɛ nwɔ kalan nɛai diɛ: «Ka wɔ laa na laa kaa mį?» Kɛlaa, galan nɛa di ɲɔw kpɔ kɛnɛ̨, di kwəi ə pili diɛ; diɛ kɛ di kee ni diɛ: «Akɛti, nu huwu lə kɛɛ ɓəi, yaa yii, a haŋą hvaŋą da ya diɛ, diɛ nwoo hon?»

Nu taɠaa kɛ pələ kaa yɛ, bələ kwɛlɛ, ɓɛi ɉihɛn ɉuwu taɠaa di too laai. Nuą tii, da di yee hee Yálá laawoo mu, kɛlaa, nąnį ə pa, ə gulɔ di yəi; əgɛ, di hvo pa laa nwoo tii la, di nwun mąą hvo ɓo

Mɛ̨nįɠaa kpɔ noɔ, gəlee kaa pai kulɔi ponoŋą, nuą di gaa; loo mɛ̨nįɠaa kəlee mąą kaa pai ponoi.

Nɛ̨ɛ̨nui tii kili ə pu ɉu, yɛ daa gaa. Ə kulɔ kɛa nuą lɔwai, mąą yɛ kpɛlin, ə pa, ə too Jesus kɔ́wɔ mu. Mɛ̨nįi gɛ yɛ ɲee hee Jesus nwɔ həɠəi wəli la, ə lɛɛ, pələi gɔlɔi ə pono la ŋąąɓa, ə yili hukulɔ Jesus ɓa, nu kəlee ɲɛ̨i ɓa. Jesus yɛ mą: «Nón nɛ̨ɛ̨nu, ə́ wɔ laa na laa aa ə́ kɔ́lɔi pono. Li, a ə́ lii laa yɛ́.»

Galan nɛa di lɛɠɛ Jesus ɓa, di nwun, diɛ mą: «Kalamɔ̨ɔ̨, kalamɔ̨ɔ̨! Gu nwun na pili hiɛ ka! Ku nwun mąąɓo!» Jesus ə ɲɛ̨ilaa ɓo, ə haŋą vaŋąi tii ɓa, da ɲá, yɛ di: «Ka ka kɔ́lɔ haa kaa!» Vaŋą da ɲá di di kɔ́lɔ haa diɛ, kɛɛ mąą ə haa kpɔ tin.