Популарни Библиски стихови од Lukə 5

Сподели

Yii kɛa ə kpɛɛ a galan gɛɛ, ə mo Simɔn ɓa, yɛ mą: «Gələn mąą tɛ ɓɛi tii ɲá kpon ɉu kwɛa laa, yɛ́ ka ə́ ɓɛlaa ka ka wɔ diŋɛ̨nŋąai pili, ka hɔ̨nwɔ̨lee kpɛ.»

Simɔn ə nwoo pulu pənə yɛ mą: «Kalamɔ̨ɔ̨, ku háá yii kpɔ ku ɲɛ̨i ɓa, kuɔ hɔ̨nwɔ̨lee kpɛ; kɛlaa, ku hvo hɛn nɔpee ta hɔlɔɓo. Kɛlaa, ə́ woo tii mąą mɛ̨nį ɓa, gáá diŋɛ̨n bilii.» Simɔn da mɛlaani di diŋɛ̨n bili, di hɔ̨nwɔ̨lee kpulu kɛnɛ̨ kələ, ɉɔwɔlee tamą pələ mąą mɛ̨nį ɓa, diŋɛ̨n ɲɛli taɠaa diɛ tee ɉu.

Yili pulu, Jesus ə li dɔ̨nɔ̨ kɛɛnąą yɛ Yálá hvɛli.

Jesus yɛ diɛ: «Yálá hvo kɛ dɔ́ɔ́ li nu haŋąaɠaa mąą mɛ̨nį ɓa, kɛlaa, ə dɔ́ɔ́, əgɛ, ŋą nu túwɔ́ pələ ɲɔ̨nwɔ̨ɔ̨ɠaa kwɛli di di wɔ túwɔ́ pələ ɲɔ̨nŋąa mąąhvalin.»

Ɓɛlɔwai Simɔn Piɛrə ə yili kaa la tii, ə pu gbəlin na Jesus kɔ́wɔ mu, yɛ mą: «Ną́mu, ə́ mąą kwɛa mą́ą́, mąąhɔlɔɓo, gáá a nɛ̨ŋɛ̨n ɉəɠəmun.»

Jesus ə di woo pulu pənə yɛ diɛ: «Nui gɔlɔi ponoɔ̨, mąą kpaan və yɔwɔtɔlɔ ɓa; hvo kɛ li nui ɲɔ̨n gaa mą, ya ɓə mąą kpaan gaa mą.»

Di gələnŋąa lɛɛ ɲá kwɛlɛ, di ɉɛnŋąa kəlee lɛɛ laa, di hvilɛn Jesus pulu.

Jesus ə kɛ taa ta hu, hulɔnu ta yɛ ɓo laa, hvólóɲɔ̨n gulaa ma nąą kəlee. Ɓɛlɔwai ə Jesus kaa la, ə pɛlɛ gɔwɔ mu, ə nɛ̨ɛ̨mąą hvə mą, yɛ mą: «Nwɔ́ mɛ̨nį nąmu! Akɛ ya hvaa mą, ya pɛli ə́ gɔ́lɔ́i pono, ə́ mą́ą́həɠə.» Jesus ə ɲee pɛlɛ mą, yɛ mą: «Váái ma gɛ́ ə́ kɔ́lɔi ə pono», ə́ mąą ə həɠə. Ɲąąɓa, volóɲɔ̨n tii ə kpɛɛ kpɔlɔ tii ɉulɔnui tii ɓa.

Nąąlɔwai, Jesus mąą tin ə too kpɔ nwɔ̨nɔ̨ kɛnɛ̨, nuą diɛ pa, əgɛ, di di wəli tɔɔ nwoo ɓa; nuąi ɲɔ̨n ə kɛ diɛ, yɛ di kɔ́lɔi pono.