Популарни Библиски стихови од MARKUS 9

Сподели

Ka' ha' Yésus ngan néh Oo', omok maneu' éh kenat, Kelunan éh ngelan tong Allah omok éh maneu' ineu'-ineu' péh.

Pelapah tamen anak inah pané ngan ja'au ha', ka' ha' néh, O Tuhan, adang akeu' ngelan, bang kurang pengelan ké', ko' masi ku', ha' néh.

Hun Yésus masek lem lamin, tai irah bakéh Néh selim neteng Éh, ka' ha' réh, Kineu' énéh ke' améé' bé' omok bet balei' inah rii', ha' réh. Ka' ha' Néh ngan réh, Pohoo' balei' iteu' bé' éh omok nebet lu' palaa' ineu'-ineu' bang naneu' ha' sebayang lu' awah éh, ha' Néh.

La'ah usen méé éh, bang hun néh tai mabah, ineu' palaa' lu' pekeméé' éh kepéh. Jian keh alaa' usen lem kenin keh dokoo' keh omok murip ngan pawah kenin belah ka'ah ke'.

Séé' éh alaa' anak si'ik barei' iteu' dalem ngaran Ké', iah péh alaa' Akeu', ngan séé'-séé' éh alaa' Akeu', iah péh pu'un alaa' Iah éh nyohoo' Akeu' tuai rai, ha' Néh.

La'ah Akeu' bara' mu'un ngan keh, kelunan séé'-séé' péh éh na' keh mesep baa' uban keh ngelan tong Akeu', na' péh éh baa' awa' awah, adang kelunan inah pu'un alaa' oléé' néh kepéh, ha' Néh ngan réh.

Kelunan séé'-séé' éh petawang jah anak si'ik éh ngelan tong Akeu', pelapah jian réh marau kelunan inah tai tana' éh jah, jin néh mokoo' ngan murip belah kelunan ngan mihin kelunan éh lemoo' kenin maneu' penyala'.

Jah la'ah hun néh maten ko' mihin ke' maneu' sa'at, jian ke' nirok éh pega', pelapah jian ke' tai tana' maréng éh retek Allah Pengeja'au, ketem jebila' maten ko' awah, jin hun ko' petem duah maten nebet tong luten meraka'.