Популарни Библиски стихови од MARKUS 5

Сподели

Ka' ha' Yésus ngan néh kepéh, O anak Ké', pengelan ko' éh lepah peka'o ke', moléé' ke' ngan pawah kenin ko', ma'o ke' jin kesakit ko', ha' néh.

Jin belah irah pinaa' nah, pu'un jah redo' éh pega' dahaa', jah poloo' duah ta'un tenéh éh sakit kenat. La'ah pinaa' mu'un kelunan éh nawan éh, ke' réh juk peka'o éh jin kesakit néh nah, bé' éh omok ma'o, bang jaa'-jaa' néh éh sakit sa'at-sa'at kepéh.

Boh éh ngamit seput Yésus nah, tioo ma'o éh jin kesakit néh, tioo jian akam lem usah néh, bé' dahaa' néh pu'un pega' kepéh.

Boh Yésus ngamit ojoo' anak inah, ke' néh pané ngan néh, ka' ha' néh, Talita kum, ha' Yésus. Sin ha' inah, Anak redo betéé' ke'.

Lem Yésus too pané ngan redo inah kenat, tuai kelunan jin lamin Yérus bara' anak néh matai. Ka' ha' réh ngan Yérus, Anak ko' ri' de', matai éh, mai ke' petusah Guru nah lah, ha' réh. Bé' Yésus besau menéng ha' réh kenat, boh éh bara' ngan Yérus, ka' ha' néh, Mai ke' medai, jian ke' ngelan Akeu', ha' Néh.

Pu'un iah pané kenat ha', uban Yésus lepah bara' ka' ngan néh, O balei', pega' ke' jin kelunan iteu', ha' néh. Yésus neteng éh ka', Ineu' ngaran ko'. Ha' lakei' inah, ngaran ké' ne', Panyen, kenat ngaran ké', uban mé' matek pinaa' mu'un teu', ha' néh.