Популарни Библиски стихови од Maatiuꞌ 24

Сподели

Ee'noko tenang orara aarumo beremparako mmau' biikaang piaa tee ka'matompuaing. Ee'noko naning purimpario' bera asirana'mung basiaravaing deeko' domamparavaing.

Ee'noko tee tutung tee aung doorenang tampara ookara kansi'koo daankiaavaing ookara nantoonge Kumponing bakaang muu'koo tumpariaina' taaravaava'naang, teketa tee-koo dama'due doong asi' tavo'kuaing.”

Ee'noko dii'ke tee karenanka tavo'kuko ee'noko tamung minkuaako taaraveriaing, teka dii' ee'ning tarerariaing dii' domang puraaniri'neeng tee-koo, ai' teing teing kapoo' tee' oro'nanka nkoaravaining, teka botu mme' basiarava'.

Narung kansi' i'amparama nii'nung kansi' turampuainge. Ee'noko narung muu' i'amparama nii'nung muu' turampuainge. Ee'noko napo' nantoong peera-koo booroainge, ee'noko u'mi'nanka nkoaravai nii'ning kansi'nanka-koo. Aing teing tamung tutuna'ning sisikeerananka manikuma mantompumana' tooto' ponto'ke due'uko.

Paning ee'noko kansi' teing paa'areaining teka nkaang kara tee paa'aravauka'nung.”

Ai' nantoong mmau'ke tee poroma nkaang miring tampaama aa'paavaing, ‘Ning tee ee'nung Kumponinge Pako'pari'nii',’ ee'noko tee' nkoarima nantoong mmau' tosiaariko siompaariaing.

“Ee'noko tenang ee'nang dii' teing dai'daarira tavo'daariaining oraka' nkoraarii'naang, ee'noko dii'koo nii'ning dupisi'daariaing. Ee'noko dii' teing ookara nantoonge munte'daariaining ning nkaang miring-po'nupoong deentariko. Ee'noko tenang ee'nang mmau' nantoong tee biikaang masika'anta-ita dua'ariaing, ee'noko nii'ninge bii'maikorori' munte'aarima tooka kompai nii'ning kare-nupoong-koo siaariai dupisi'aarii'naang. Ee'noko mmau' nakaro-nupoong oro'pariaing tenang daang Kumponing-etaining tamparima, ee'noko mmau' nantoong tosiaarima poo-antavaariai.

Teketa Jiisuu'ke maku'urima aa'puru', “Bakei, tarerariri otoriaing nantoonge poo-antaraari'neeng.

Tee' nari' dii' maamurariri otoriainge, ai' tee ning Tee Naning-naumpo' Paning-etaing tenang batei ning moaing-pina' noru'meriaruko moaing.”

“Tee'koo tanatarariri otorimaatoai, ai' dii'ke tee noru'eria' tee diikaang Ovoring poaina'mung.

“Naninge noru'ua' tee doong ee'noko tee batei. Koosinunanka paning-kooninge noru'aava'. Napo' ninge, tee bauringe, noru'ampa', teka teie narunge Mma'ke noru'ui otong tee batei.

Ai' teing nakaro-nupoong ee'noko pako'pari'nii'nuka daang Kumponing-etaning tamparimaing porora taa'ni'anta pankenanka ta'nimpaarii'na' nkoaavaing nantoong tosiaarima Kumponing bakaning naro'ka papaara-antavaarii'naang, tavo'arapeu'nung-pina'.

Tee' nari' Nooa' bakanang nkoaru'na' nkoaravaing tee ning Tee Naning-naumpo' Paning-etaing moainang. Aa'noko'na': tenang batei doua pankaing mme' poaruko taamanaama, naikaama, nampeema otoroko' bera Nooa' aaka'nareng-koo tumparu'na'mung-koo basi. Tee kapoo' nkoaravaing-koo noru' otoroa' bera douai pora teing ookara aaruvuru'. Tee' nari' ee'na' nkoaravaing tenang ning Tee Naning-naumpo' Paning-etaing moainang.