Популарни Библиски стихови од 2 Corintios 6

Сподели

An sura uzamtuasmin, une Cristora nɨjkultuchiruzkasa paiña dios tɨkasa sarɨtta wakpuj wainman. Cristora nɨjkultumikane Cristora nɨjkultuchimikakasa kasara kiman. Sun kiasachi. Cristora nɨjkulturuzne Dios pit mɨat kit nil kiat kit nil uzamtu. Cristora nɨjkultuchiruzne sun pit mɨashitchi, uspa kwail kiashimtu akwa. Wat kimturuzkas kwail kimturuzkas pareju nɨjkulasachi, Diosta piantuz wat kiashimtu akwa. Anparuzne kwail kianazi.

Diosta wakpuj wainturuzkas Diosta wakpuj waintuchiruzkas usparuzpain wat nɨjkulasachi. Aune Diospa yalkana makpas, sua Dios aukasa uztu akwa. Ñamin Diosne sunkana pɨnkɨhta panin kit kaizta: “Nane uspa kaijchukin uznash, uspakasa chan. Nane uspa Dios ish. Nane usparuza ap kwal namninnanash.”

Katmizna Anpatne ma pitchin ka kaizta: “Wan kwail kimturuzkasa wanmakman, uspa kwail kiamanpa. Nane kwail kin chɨhkamturuza sapnanash, nakasa uzanapa. Suasne nane u Papihsh namnash. Nane uruza ap pashparuzkasa namninnanash. Sunkana tɨnta Diosne, wantuza ɨninmikane, ka kiznara.”

Cristokas Diablokas mizurainkas nɨjkulsachi. Cristora nɨjkultumikakas Cristora nɨjkultuchimikakas usparuzpain nɨjkulasachi.