Популарни Библиски стихови од ܡܪܩܘܣ 6

Сподели

ܘܗ̇ܘ ܐ݇ܡܝܼܪܹܗ ܐܸܠܲܝܗܝ، ”ܬܹܝܡܘܼܢ ܐܵܙܲܠ݇ܚ ܠܚܕܵܐ ܕܘܼܟܵܐ ܓܵܘ ܒܲܪܝܼܵܐ ܒܢܲܦ̮ܫܲܢ ܘܡܲܢܝܸܚܘܼܢ ܚܲܕ݇ܟ̰ܵܐ،“ ܣܵܒܵܒ ܐܝܼܬ ܗ݇ܘܵܘ ܪܵܒܵܐ ܒܹܐܙܵܠܵܐ ܘܒܹܐܬܵܝܵܐ، ܘܠܲܝܬ ܗ݇ܘܵܘ ܠܗܘܿܢ ܥܕܵܢܵܐ ܐܘܼܦ ܠܵܐ ܠܹܐܟ݂ܵܠܵܐ.

ܐܝܼܢܵܐ ܝܼܫܘܿܥ ܐ݇ܡܝܼܪܹܗ ܐܸܠܲܝܗܝ، ”ܠܲܝܬ ܢܒ݂ܝܼܵܐ ܕܠܵܐ ܐܝܼܩܵܪܵܐ ܐܸܠܵܐ ܓܵܘ ܡܕܝܼܢ݇ܬܵܐ ܕܓܵܢܹܗ، ܘܓܵܘ ܚܸܙܡܵܢܘܼ̈ܗܝ ܘܓܵܘ ܒܲܝܬܹܗ.“

ܘܦܠܝܼܛ ܠܹܗ ܝܼܫܘܿܥ ܡ̣ܢ ܓܵܡܝܼ ܘܚܙܹܐ ܠܹܗ ܠܟܸܢܫܵܐ ܓܘܼܪܵܐ ܘܪܘܼܚܸܡ ܠܹܗ ܥܲܠܲܝܗܝ، ܣܵܒܵܒ ܒܸܕܡܵܝܵܐ ܝܗ݇ܘܵܘ ܠܥܸܪ̈ܒܹܐ ܕܠܵܐ ܪܵܥܝܵܐ. ܘܫܘܼܪܹܐ ܠܹܗ ܠܡܲܠܘܼܦܲܝ ܪܵܒܵܐ ܡܸܢܕܝܼܵܢܹ̈ܐ.

ܘܠܵܐ ܡܨܹܐ ܠܹܗ ܥܵܒܹܕ ܗ݇ܘܵܐ ܬܵܡܵܐ ܐܘܼܦ ܚܲܕ ܚܲܝܠܵܐ، ܐܸܠܵܐ ܡܘܼܬܸܒ݂ ܠܹܗ ܐܝܼܕܹܗ ܥܲܠ ܚܲܕ݇ܟܡܵܐ ܡܪ̈ܝܼܥܹܐ ܘܒܘܼܣܡܲܝ ܠܹܗ. ܘܥܘܼܓ̰ܸܒ ܠܹܗ ܒܠܲܝܬܵܝܘܼܬܵܐ ܕܗܲܝܡܵܢܘܼܬܲܝܗܝ. ܘܒܸܚܕܵܪܵܐ ܝܗ݇ܘܵܐ ܓܵܘ ܡܵܬܘܵܬܹ̈ܐ ܕܚܵܕܸܪ̈ܘܵܢܹܐ ܟܲܕ ܡܲܠܘܼܦܹܐ.

ܘܫܩܝܼܠ ܠܹܗ ܐܵܢܝܼ ܚܲܡܫܵܐ ܠܲܚܡܹ̈ܐ ܘܬܲܪܬܹܝ ܢܘܼܢܹ̈ܐ، ܘܚܝܼܪܹܗ ܒܫܡܲܝܵܐ، ܒܘܼܪܸܟ݂ ܠܹܗ، ܘܩܨܹܐ ܠܹܗ ܠܲܚܡܹ̈ܐ، ܘܝܘܼܗ݇ܒܸܠ ܠܹܗ ܠܬܲܠܡܝܼܕܘܼ̈ܗܝ ܕܡܲܬܒ݂ܝܼ ܩܵܕ݇ܡ ܟܸܢܫܵܐ. ܘܐܘܼܦ ܠܐܵܢܝܼ ܬܲܪܬܹܝ ܢܘܼܢܹ̈ܐ، ܦܠܝܼܥܲܝ ܠܹܗ ܠܟܠܲܝܗܝ. ܐ݇ܟ݂ܝܼܠ ܠܗܘܿܢ ܟܠܲܝܗܝ ܘܣܒ݂ܝܼܥ ܠܗܘܿܢ. ܘܫܩܝܼܠ ܠܗܘܿܢ ܬܪܸܥܣܲܪ ܩܘܼܦܹ̈ܐ ܡܸܠܝܹܐ ܡ̣ܢ ܩܸܛܥܵܛܹ̈ܐ ܕܠܲܚܡܵܐ ܘܕܢܘܼܢܹ̈ܐ.