Популарни Библиски стихови од ܩܘܗܠܬ 11

Сподели

ܚܕܝܼ ܥܠܲܝܡܵܐ ܒܝܵܠܕ݇ܘܼܬܘܼܟ݂، ܘܡܲܒܣܸܡ ܠܘܼܟ݂ ܠܸܒܘܼܟ݂ ܒܝܵܘܡܵܢܹ̈ܐ ܕܥܠܲܝܡܘܼܬܘܼܟ݂، ܘܚܕܘܿܪ ܒܐܘܼܪ̈ܚܵܬܹܐ ܕܠܸܒܘܼܟ݂، ܘܒܚܸܙܘܵܐ ܕܥܲܝܢܘܼ̈ܟ݂، ܐܝܼܢܵܐ ܝ݇ܕܸܥ ܕܒܘܼܬ ܟܠܲܝܗܝ ܐܲܢܹܐ ܒܸܬ ܡܲܥܒܸܪܘܼܟ݂ ܐܲܠܵܗܵܐ ܒܕܝܵܢܬܵܐ.

ܘܡܲܦܪܸܩ ܟܲܪܒܵܐ ܡ̣ܢ ܠܸܒܘܼܟ݂، ܘܡܲܥܒܸܪ ܒܝܼܫܬܵܐ ܡ̣ܢ ܒܸܣܪܘܼܟ݂، ܣܵܒܵܒ ܝܵܠܕ݇ܘܼܬܵܐ ܘܥܠܲܝܡܘܼܬܵܐ ܣܪܝܼܩܘܼܬܵܐ ܝܢܵܐ.

ܗ̇ܘ ܕܢܵܛܹܪ ܦܵܘܚܵܐ ܠܹܐ ܙܵܪܹܥ، ܘܗ̇ܘ ܕܩܲܙܸܕ ܒܥܲܝܒܹ̈ܐ ܠܹܐ ܚܵܨܹܕ.

ܐܲܝܟ݂ ܕܠܹܐ ܝܵܕܥܹܬ ܡܘܿܕܝܼ ܝܠܵܗ̇ ܐܘܼܪܚܵܐ ܕܦܵܘܚܵܐ، ܝܲܢ ܕܵܐܟ݂ܝܼ ܓܲܪ̈ܡܹܐ ܦܵܝܫܝܼ ܓܒ݂ܝܼܠܹܐ ܒܡܲܪܒܥܵܐ، ܗܲܕܟ݂ܵܐ ܠܹܐ ܝܵܕܥܹܬ ܦܘܼܠܚܵܢܵܐ ܕܐܲܠܵܗܵܐ، ܗ̇ܘ ܕܟܹܐ ܥܵܒܹܕ ܠܟܠ ܡܸܢܕܝܼ.

ܒܨܲܦܪܵܐ ܙܪܹܥ ܒܲܪܙܲܪܥܘܼܟ݂، ܘܒܪܲܡܫܵܐ ܠܵܐ ܡܲܢܝܸܚܸܬ ܐܝܼܕܘܼܟ݂، ܣܵܒܵܒ ܠܹܐ ܝܵܕܥܹܬ ܐܲܝܢܝܼ ܒܸܬ ܡܲܢܬܹܐ، ܐܵܗܵܐ ܝܲܢ ܐܵܗܵܐ، ܝܲܢ ܒܲܠܟܵܐ ܬܸܪܘܲܝܗܝ ܒܸܬ ܗܵܘܝܼ ܨܦܵܝܝܼ.

ܗܲܒ݂݇ܠ ܣܵܗܡܘܼܟ݂ ܠܫܲܒ݂ܥܵܐ، ܘܐܘܼܦ ܠܬܡܵܢܝܵܐ، ܣܵܒܵܒ ܠܹܐ ܝܵܕܥܹܬ ܡܘܿܕܝܼ ܒܝܼܫܬܵܐ ܒܸܬ ܗܵܘܝܵܐ ܥܲܠ ܐܲܪܥܵܐ.